Hadien wa da pynbna ya ki tarik pynman Election cha ka Lok Sabha da ka Election Commission of India wei da pynkrehkaam leh yaka Model Code of Conduct nadooh ka 16 tarik deiwa booh ki kyndon khamtam ya ki Political Party hapoh ka West Jaiñtia Hills District kamjooh ki kyrtong.
Neiliang u District Magistrate ka West Jaiñtia Hills da pynkrehkaam u da ka Section 144 ka Cr.PC deiwa booh ki kyndon wym hoi u leh da kiwon kiwon ki kyrtong kamjooh ki Political Party kiwa man kamni.
Da khang wow thoh u liar cha ki chram ki kynroh, i biah Poster, i booh lama, i booh Banner wa kiwi kiwi ha ki thaw paidbah wa ki thaw ka sorkar.
Da khang leh wow booh Banner ha kiwon kiwon ki luti ki syngkieñ.
Heiyatoh wa ki thaw yong ki bru samen, ya kini ki jooh ki pynriam Election ymtoh wow leh khlem da yoh bor na ki tre yung, wei toh u yoh leh dei thoh yei e bor wei ya kani toh u li e cha u District Magistrate yow e bor u wow leh yeini.
Da khang leh wow pynman ya ki yalang Election khlem da yoh bor na u District Magistrate.
Ym chah leh wow pynemkaam ya ki tanghæng (P.A. System/Loud Speaker) nadooh 10:00 waje i miet hadooh 6:00 waje i step wei lada em kiwa pynemkaam khlem da yoh bor, daw kem ya kni ki tiar ki tar.
Da khang leh yei pynman ya ki lai paidbah namo ka Rally khlem da yoh bor na u District Magistrate.
Discussion about this post