Ka 1917iTEAMS kawa man kawi na ki thong krehkaam ka chnat Agriculture ka sorkar Meghalaya da yoh ko yei naam wa jop ha ka ‘Digital Transformation in Agriculture’ ha ka 4th Digital Transformation Awards 2021 (Recognising Excellence in e-Governance) kawa da pynman ha ka 18 tarik uni u bnai lyngba ka Internet yei rukom krehkaam kawa da man ka laad yarap ya ki warep ka ri India.
Ka 1917iTEAMS toh kawa da e buit wow sdang da u P. Sampath Kumar, IAS, Ex-Commissioner & Secretary, Agriculture, ka 1917-Integrated Technology Enabled Agri-Management System (1917iTEAMS) toh ka rukom pynkrehkaam thymme kawa kyrpang neibynta ki warep hawa yatoh wa ka yaw ka haat lyngba ka Cloud Based Facilitation Service neibynta waroh ki warep hapoh ka jylla Meghalaya. Da sdang ya kani ha u Kmaichonglad (Dec) 2017 wow pynyabi ya ki warep wa ka yaaw ka haat, deiwa pynbiang ya ki kari ha i dor wa biang wei wow pyntip bniah chaphang ka rep ka riang.
Da em katni palat 88,000 ngut ki warep, 600 tam kiwa thied, 400 tam ki Farmer Groups kiwa da dep tipmit wa 18 tylli ki kari Pick-up kiwa tip kam ki Agri Response Vehicle wa kit ya ki mar rep, ka 1917iTEAMS da e yarap mynkna ko lyngba u Toll Free Number 1917 yow Phone ki warep hawa emkaam ki. Wei yeini da leh deiwa ya krehlang ka Digital India Corporation (DIC) yong ka Ministry of Electronics & Information Technology ka sorkar India.
Da kyrchaan ya ka 1917iTEAMS da ka chnat Agriculture & Farmers’ Welfare wei da krehlang leh wa ki chnat yong ka Animal Husbandry & Veterinary, Fisheries, Planning, Finance, Law, Information Technology, Water Resources, Dairy, Ka Indian Council of Agricultural Research (ICAR), ka Central Agriculture University (CAU), MBDA wa ka State e-Governance Mission Team (S.e.M.T) kawa da wanrah rap jan ya ki phang krehkaam yong ka sorkar cha ki warep deiwa Phone donhi.
Ha u snem 2020, ka 1917iTEAMS da ye ko wow rap nang pynboon ya ki kari deiwa lum lang ya ki kari yaw yow pyndap yeiwa emkaam heipor wa em ka Lockdown.
Lyngba kini ki kari, ka 1917iTEAMS da ye ko wow pynduna yei dooh nong ki warep deiwa pynkit wut wut ya ki mar rep heipor wa biang. Kiwa thied wa da e pyrtuid wa ka 1917iTEAMS da thied wei da pynpoi ki ya ki mar rep cha kiwa dai Wholesale wa kiwa dai dukan heipor ka Lockdown.
Deiwa ya krehlang wa ka NARI Fresh yong ka East Khasi Hills District Cooperative Milk Union Ltd, ka 1917iTEAMS da ye ko wow yarap u saam yow pynpoi ya ka Chief Minister’s Quarantine Care Package cha ki 22,375 tylli ki manyung heipor ka Lockdown. Ha ka Lockdown ha uni u snem 2021, ka 1917iTEAMS lyngba ki Home Delivery Agency, da pynkrehkaam ki leh da ka Farmgate Procurement Model deiwa lai thied bait ya ki mar na ki warep na ki chnong waphær waphær.
Puræ ya ka khubor heini: U pynemkaam daki 1917iTEAMS yow li thooh mar wei wow pynpoi mar
