U Deputy Commissioner, East Jaiñtia Hills District da pyntip paidbah u ya ki kaamram wa kongsan neibynta ki COVID-19 Village Committee kiwa em hapoh ka East Jaiñtia Hills District.
Ka COVID-19 Village Committee toh u thooh ko ya ki thaw wow pynman ya ka Quarantine Center ha ka chnong heiwa kiwa wan na baar kam na Shillong, Guwahati, Silchar wa na kiwi kiwi ki thaw, na kiwa em ki dak malum male yong u COVID-19 wow sah ki ha kini ki thaw neibynta 7 sngi neibynta ki High Risk/Returnees wa 14 sngi ya kiwa yoh ya uni u khñiang heiwa ka Committee toh u pait ko yei emkaam yong ki.
Chooh chooh ka Committee u pynkhreh ko yei emkaam ha ki Quarantine Center kam ka paikhana, i bordiñ, ka um, wa kiwi kiwi wei wow booddien næ leh Contact Tracing wei wow phah ya ka Report cha ki Doctor næ Executive Magistrate kiwa haap hapoh ka CHC/PHC yong ki.
Ki Committee toh u pynche pynsñiawthooh ko yeiwa emkaam hajrong uni u khñiang wei ki laad yada na oo.
U Deputy Commissioner da kyntu u leh ya ki Committee wow booddien wei wow paitsiar wa ym em i yoobeiñ wei chah kyntait kiwa chah ktah ha uni u khñiang ha ka imlang sahlang wa kiwi kiwi.
Ki Committee toh ki chimbynta ko ha ki yalang e sikai wei pynche ki bor sorkar neibynta uni u khñiang COVID-19.
