U montri ka sorkar pyrdi wa pait ya ka chnat Road Transport, Highways & MSMEs, u Nitin Gadkari ynne da pynbna u wa ka FASTag emkaam wow pynemkaam ya ka da waroh ki kari hapoh ka ri nadooh ka sngi nyngkong yong u snem thymme heiwa kiwa lai wa wan ym emkaam de ki wow sangeh ha ki Toll Plaza wow su poisa wei ini daw yarap i wow pynduna ya i lut ka poisa wa i por.
Ya ka FASTag da sdang ha u snem 2016, wei soo tylli ki Bank da e ki hadooh chi lak tylli kini ki FASTag, ha u 2017 da ku cha ka 7 lakh wei palat 34 lak tylli ha u 2018.
Katkam ka Central Motor Vehicles Rules, 1989, nadooh ka 1 Kmaichonglad 2017, toh u krehlaam ki FASTag hawa leh Registration ya ki kari 4 chaka weiwa emkaam leh ya ki hawa pynthymme ya ki Fitness Certificate yong ki kari kamai. Ya ki kari National Permit emkaam wow em FASTag ki nadooh ka 1 Naichiphaw 2019.
Da emkaam leh ya ka FASTag wow leh ya ka 3rd Party Insurance hadien wa pynkylla ya ka FORM 51 (Certificate of Insurance), heiwa da emkaam u em ya ki FASTag ID wei ini daw krehkaam i nadooh ka 1 Naitung (April) 2021.
