U Deputy Commissioner ka West Jaiñtia Hills ynne da pynmih hukum u wow pynrkehkaam daka Section 144 Cr.PC deilang waka Regulation 3 ka Meghalaya Epidemic Diseases, COVID-19 Regulations 2020 hapoh waroh kawi ka District nadooh ka 15 tarik uni u bnai nadooh 5 waje i step hadooh 9 waje i miet man ka sngi.
Ya ini da leh yow pyntikna wa bood ki paidbah yaka Social Distancing yow lait i poor ka khlam hapoh ka District deiwa phah bood thij yaki kyndon ka chnat Health & Family Welfare Department ka sorkar Meghalaya.
Kamtæ da khang wow lai na kawi ka jylla cha kawi, u pynman yaki yalang paidbah, u wai yaki thaw pynman yaw, ym chah leh u wai ki dukan ah sñiooh, beauty parlour, spa wa kiwi kiwa kam kini ki jait, ym chah leh wow pynman yaki yalehke wa hap ya tyngkhooh para bru, ki Hostel ki Hotel ym chah u wai ki lait na kitu kiwa pynman kam ki thaw leh Quarantine, ym chah wow wai yaki thaw mane Blai neibynta ki paidbah kamjooh wow pynman yaki yalang yong niam, ym chah wow wai yaki thaw uiñke suwari, ki Gym, ki madan yalehke, u mih paidbah kiwa em palat 65 snem chaneiñ kiwa em chwa i chitom i kjut, ki khynnah wa hapoh 10 snem lait noh wa lai emkaam heiyatoh wa i chait i khiah. Ym chah leh wow baam kwai, u dih kiad wei wow mynthu haki thaw paidbah. Da khang leh ya kiwon kiwon kiwa e bih ya ki um ki wah deiwa thmu u pynyap yaki doh um.
Kani ka hukum ym krehkaam ko yaki thaw sumaar kam ki Out Patient Department, ki Medical Clinic, ki wakreh sorkar wa em Duty, ki Security Forces, Medical Teams wa em duty, Wholesale & Retail Pharmacies, Police & Armed Forces, Fire & Emergency Service, MeECL, NEEPCO & Power Grid, Food & Civil Supplies Department, FCI, PWD, PHE, Jowai Municipal Board, Postal Service, Telecom, Communications & IT Services, Press, Print and Electronic Media, Petrol Pumps, Essential Services namo ki jait kaam wa ym hoi u dam kam ka Health Services wa Online Food Delivery, ki karkhana (Workshops) wa ki dukan dai Spare Parts Dealerships wa da jied neibynta ka Health & Family Welfare Department, kiwa chong chnong wa da heh rta kiwa da em 60 snem chaneiñ heiwa ym emkaam ki yaki Pass kam ka Curfew Pass tangwa emkaam ki wow rah yaka Photo ID deilang waki yow pynsakhiat yei snem yong ki.
Kiwa lai na kawi ka jylla cha kawi emkaam ki yaka Transit Pass.
Ki kaam wada chah kam ki wai dukan nadooh kiwa dai wholesale wa kiwa dai khutia u pteiñ ki kamwa jooh hi.
Ki dukan Hardware, ki dukan dai tiar bordiñ, kiwa chna phone, computer wa kiwi kiwi u pteiñ ki wow wai wow krehkaam kamwa da chah.
I wai ki dukan cha, i krehkaam ki Restaurant leh u man i kamwa jooh hi ym em pynkylla.
Ki karkhana nadooh kiwa pynmih marbaam, kiwa chan moo block, i thih moochuni, u chyiap, mooria emkaam ki wow yoh bor kamwa jooh hi.
I chna i tei hapoh ki thaw wa em cha sor hap pyntip chwa ki cha u DC. Katwa cha ki thaw wa em cha palat sor da chah wow leh waroh i jait chna yung wa kiwi ki kaam wa kam kini.
Ki kaam rep u pteiñ ki kamwa jooh hi kamjooh ki kari wa kit yaki mar rep emkaam ki wow yoh yaki Pass na u District Agriculture Officer.
Ki kari ki bru samen kamjooh ki kari kamai u chah u mih ki kamwa jooh hi da ki Odd wa Even Number. Tangwa ki kari yong ka sorkar jylla/pyrdi, ki kari yong ki bru wakreh sorkar wa em Duty kiwa yoh yaki Pass ym hap ki wow bood ya kini ki Odd wa Even Number.
Ki kari wa leh yaki Essential Service kam kiwa kit ya ki wakreh yong ka Fire & Emergency, Medical Team kiwa em Duty, MeECL, Power Grid, NEEPCO, PWD, PHE, FCI, JMC, Postal Service, Telecom, Communication & IT, ki wakreh Press, Print & Electronic Media wa ki Bank ym hap ki wow bood yaka Odd wa Even Number.
