Ki karkhana Cement su ki ya ka bai kit katkam wa da booh ka sorkar: Sniawbhalang

U Symbood Montri Rangbah wa pait ya ka chnat Transport, u Sniawbhalang Dhar da ong u wa ki karkhana pynmih khyndaw-bilat kiwa em ha Jaiñtia Hills da su ki ya ka bai kit katkam i dor wa da pynbait da ka sorkar, tangwa em kawi ka Association kawa da dawa wa ha Assam leh toh u yoh dei jooh i bai kit. 

Heiyatoh wa i yakhih ka Meghalaya Commercial Truck Owner and Driver Association (MCTODA) wei iwa da jia chah dat, chah kawang Tear Gas, da ong u wa dang yang u ya ka bui (Report) tangwa da chem wa ki karkhana su ki ya ka bai kit katkam wa da pynbait ka sorkar.

Chooh chooh da ong u wa ki ar tylli kiwi ki Association ha Jaiñtia Hills hun wei krehkaam bait ki wa ki karkhana pynmih khyndaw-bilat, katwa kawi ka seiñ won dawa ko ya ka bai kit kawa man kamjooh cha baar Meghalaya, yeiwa da ong u wa ym yahaap de ko katkam wa pynbait ka sorkar Meghalaya.

Hajrong i yakhih ka MCTODA kawa da pynman ya ki pulit wow sympat lathi wei siat Tear Gas ynne i step synyaaw ha Mawryngkneng, u Sniawbhalang da ong u wa ini toh hapyrdi ki karkhana wa kiwa kamai truck wei ymtoh i kaam ka sorkar, deiwa pynrap wa lada kwah yaklam ki hajrong ini man uwa smat wow yachem.

Related posts

Chah pyndam i booh ya ka Sub-Centre khlem da tip ka Dorbar Chnong Hingaria

February 2, 2026

Phah pynlait ka Supreme Court ya ki ar ngut kiwa na Meghalaya kiwa chah pynbaad pynyap bru

February 2, 2026

Hawa kylli, u Sniawbhalang da ong u hadien wa dadep yaklam ki wa u Deputy Commissioner, kani ka seiñ ym sñiawthooh ko yeiwa da pynman ya ki pulit wow leh yeiwa emkaam katkam ka aiñ, heiwa da pyntip u wa ki 2 ngut wa da rah ki pulit daw leh ya ki katkam ka aiñ.