Ka seiñ Nongkhlieh Area Socio-Cultural Development Organisation (NASCDO) da kyntu ko ya ki paidbah ka Nongkhlieh Elaka wym toh wow chah pynbiej ha kani ka la-ær Election wei wow pyrkhat neibynta ka roi paar yow lait nei sahdien.
Ha ka Wyrta wa da phah da u President ka seiñ u Embok Pajuh da ong u wa ka Elaka toh kawa dang sah doom, sah biej wei lada chah pynbiej ha ki kyrtong wa yaleh Election daw sahdien chi-rta.
Da kyntu leh ya ki paidbah wym hoi u chah pynbiej haka poisa wei wow bichaar bniah ya u kyrtong chwa u jied wei emkaam leh u man kiwa yatylli la hei jop i rem yow lait nei sahdien neibhah em chiboon iwa emkaam nadooh ki luti ki syngkieñ yow yoh ka mynstep ka mankawi kawa biang.
Da kyntu u leh ya ki paidbah wow kyrchaan ya kiwon kiwon ki karkhana pynmih khyndaw-bilat kiwa kwah wow wan hapoh ka Elaka yow wanrah ya ka roi ka paar neibhah ki wa pynyoh ya ka spah ka phaw wow pynlai skur ya ki khon ki kti lyngba ka spah u moochuni.
Heijooh i por da kyntu wow pyrchah ya kiwon kiwon ki jait karkhana Coke namo ki Coke Factory kiwa kwah u wan.
