Jowai : Katkam ka khubor na ki pulit da ong wa boon bha ki kynti wa tyngkheiñ ya ka hukum mana tih mooyong. Ha ka 3 tarik heipor kamwa 1:30 i sngi, ki pulit da kem ki ya uwi u bru wa da tip kam u Robindro Barman uwa 30 snem i rta katwa dang tih mooyong u na ka chnong Umthe EJH.
Haka jooh ka sngi heipor kamwa 1:35 i sngi, ki pulit da kem ki ya uwi u nong Bangladesh ya uwa da tip kam u Jamal Mia uwa 35 snem i rta wei i tre chnong yong oo toh na Juntapur, Sylhet, Bangladesh. Da kem ya oo hadien wa chem wa tih mooyong u na ka chnong Umthe village EJH.
Haka jooh ka sngi heipor 4:20 i janmiet, ki pulit da kem ki ya ka truck wa em ya u number ML-04A-4669 kawa da yah da u Jidot Khyriem kawa kit mooyong pyrchah ya ka hukum ka NGT ha Khliehriat, EJH. Pyn ha kani ka sngi heipor 6 waje i janmiet, ki pulit da kem ki ya ka truck wa em u number AS-01-DC-0291 wada yah da u Novelty Lamare kawa da kit palat ya ka 9 metric ton u mooyong na Khliehriat EJH.
Katwa ha ka 2 tarik heipor 6:30 i janmiet, ki pulit da kem ki ar tylli ki truck wa em u number ML-04B-6982 wa AS-01N-9476 kiwa da yah da u Kham Dkhar wa u Forward Phawa, ya kini da kem neidaw wa kit ki palat 9 metric ton u mooyong na Ladsutnga EJH.
Discussion about this post