Ki khubor sñiawlem ya kiwa ha yung ha sem u Donkupar Roy

Jowai: I khlaad syndet u Dr. Donkupar Roy ynne ka sngi da man ko ka sngi wa sñiawsih yaka jylla waroh kawi heiwa neiliang u montri rangbah ka jylla u Conrad Sangma da ong u wa da man ko i dooh wa joor neibhah da dooh ym du uwa yahkhmat kamjooh uwa yah luti uwa da e lut yei por yong oo neibynta ki paidbah wei e wa u Blai u e u yei bor ha kam kini ki por wa sñiawsih ya kiwa ha yung ha sem u Donkupar.

Neiliang u MP ka Shillong u Vincent Pala da phah u yaka khubor sñiawlem cha kiwa ha yung ha sem u Dr. Donkupar Roy, deiwa ong wa da dooh i ya u bru wa ym ye u dam u maya wei i yap ym ye ko wow pyndooh pynwiar ya i manbru wa bha u iwa daw neh ha u nood u klong wa i kynmoo kiwa boon kiwa da e mynsien u kamjooh ya ka juk wa daw wan.

Neiliang u T.D. Shira, Hon’ble Deputy Speaker wa u Dr. Andrew Simons, Commissioner & Secretary da pynsñiaw ki yei sñiawsih ya iwa khlaad u Dr. Donkupar Roy, Hon’ble Speaker.

U T.D. Shira da kynmoo tympang u hapoh i yahkhmat u Dr. Donkupar Roy wei da sñiawngooh u wa da yoh u wow kreh kam u Deputy Chief Minister hapoh ka sorkar warim wa yahkhmat da u Donkupar hadooh katni wa da man u kam u Deputy Speaker.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Dr. Andrew Simons, Commissioner & Secretary da kynmoo maya u ya i por wa tbian wa kreh u hapoh u Donkupar kam u Speaker. Da ong u wa u Dr. Donkupar Roy man u kam uwi na kiwa yahkhmat wa tam dooh wa da pynmih ka jylla.

Neiliang ka National People’s Party leh da pynsñiaw ko ya i sñiawsih yei khlaad syndet u Dr. Donkupar Roy, Hon’ble Speaker ka Meghalaya Legislative Assembly kamjooh uwa jooh man kam u Chief Minister warim.

Ka Party da ong ko wa u kynmoo ya oo kam u bru wa bha wa uwa leh khian, uwa man sakhiat u tæ uwa saiñhima uwa chemphang uwa booh ya iwa emkaam ki paidbah hakhmat khlem da pyrkhat yei emkaam yong oo samen.