Ka JSU hapoh i yahkhmat u Assistant Education Secretary, u Dewan C Bareh da thoh ko cha u DC ka West Jaiñtia Hills wa cha ka DSEO wa u Joint Director School Education ryngkat wa ki pyrtuid ki khynnah kiwa dooh thaw puræ Class XI ha ki skur sorkar kam hapoh ka Kiang Nangbah HS School, Government Boys wa Government Girls Higher Secondary School, Jowai.
Ka seiñ da yoh ko waroh ki pyrtuid ki khynnah kiwa dooh thaw puræ Class XI wei da chimkhia ko wow thoh cha ki bor sorkar wow thooh ki laad ki luti kamwa leh ha u snem wa dadep wow yoh thaw lut ki khynnah.
Neiliang u DC ka West Jaiñtia Hills leh da kular u wow chimkhia yeini wei ha ka tayaw wow wan daw pait u yeiwa ye u leh neibynta ki khynnah.
Ka seiñ da kyntu ko leh cha waroh ki khynnah wa ymtoh wow dooh mynsien ki tang wow yang khnang wa ki bor ka sorkar daw ye ki wow leh yeiwa emkaam.
