Uwa yahkhmat ka UDP, u Paul Lyngdoh uwa man leh kam u Montri sorkar hapoh ka MDA-II da ong u wa ka Party daw kyrchaan ko ya ka soskular pynbait pood ha ki bynta wa yoh myntoi ka Meghalaya wei daw hap wow lai pait biang ya ki thaw wa da dooh cha ka Assam.
Kam wow pynkynmoo wa ka UDP ha ki kular Election da ong ko wow pait biang deiwi ya ka soskular pynbait pood hadooh wow pyndam ka leh.
U Paul da ong u wa iwa emkaam dooh toh wow pynbiang ya ki kot ki sla, ki Map neibynta ki thaw wa ya pynbait pood wei deiwa em kini ki sabut daw ye wow pynskem yei mantre ya ki thaw ki bhaw.
Da ong u leh wa ye kiwa boon wow klam wow beiñ wei wow pynbaad boonjait tangwa ini waroh toh iwa sepai lada ym biang ki kot ki sla ki sabut wa mantre yei thaw.
