Ka KSU-Northern Border Area da ujor FIR ko ha u OC ka Khanapara Police Station, Ri-Bhoi District hadien wa chem wa ka kot skur wa pynemkaam da ka Little Star Senior Secondary School kawa em ha 9th Mile toh kawa em yei bakla kawa yatoh waka Social Studies ka Class III.
Ha kani ka kot da thoh wa ki ktien ki tre chnong, tre thaw ka Meghalaya toh ka Bengali, Nepali wa Marathi.
Kani ka kot toh kawa thoh da u Dr. Dhananjay Joshi waka Neelam Jain wei da pynmih ya kani ka kot da ka Bright Star Books International kawa na New Delhi wei da mynjur ya kani ka kot da ka NCERT.
Kamtæ da ong wa kani ka kot toh kawa ye u pynemkaam leh ha kiwi ki skur ka jylla wei da ktah ko yei sñiaw ki jaitbru Khasi. Hajrong ini da dawa wow leh yeiwa emkaam pyrchah ya kiwa thoh ya kani ka kot.
