Ka sorkar jylla da pynmih ko ya ki kyndon hei wow bood heiyatoh wa i metyap yong kiwa khlaad neidaw wa suba næ wa neidaw wa yoh COVID-19 ya kawa da pynmih katkam ka hukum ka chnat i chait i khiah ka sorkar pyrdi lyngba ka website https://covid19.india.gov.in/document/guidelines-on-dead-body-management/.
Da ong wa u COVID-19 poor u lyngba iwa mih na u bru kam ki yinhaw namo Droplets kamtæ duna bha i ye u chah ktah kiwa kreh hei chait i khiah, kiwa hayung hasem wa kiwi kiwi na i metyap tangwa emkaam won wow bood ya ki kyndon wa da booh ka sorkar.
Ya i metyap wa da song (Sealed) katkam ki kyndon wei da thap hapoh ka synduk ye wow pynkit cha yung tangwa ymhoi wow pynpsiah ya ka synduk chapoh yung wei emkaam wow booh bait ha lait dei pynkhreh ki tre yung wei lada wym chah i thaw, emkaam wow kit bait cha thaw pyndep niam (tlep/thang). Ya ka synduk ye wow pynchong du 36 kynta.
Waroh kiwa embynta ha i thaw pyndep niam toh u bood ya ki kyndon wa da booh nadooh i lehkhooid, wow sait-kti, wow sap mask wa ki sap-kti.
Ymchah wow em boon ngut ha i thaw lehniam neidaw wa ye u em kiwa chi yung kiwa rah ya u khñiang kiwa ye u pynpoor ya oo.
Chah hi wow pait yei dur kiwa yap hei thaw wa pyndep ya ka niam deiwa wai ya ka yusong namo ka Body Bag du ya i bynta i khmat yow pait khaddooh kiwa hayung ya kiwa da khlaad.
Daw chah wow pyndep ya ka niam kam i puræ ya ki kotbah, wow kynjrait ya ka um kyrkhu, wa kiwi kiwi kiwa ym toh deiwa tba ya i metyap.
Da khang pyrchah leh wow pynsum, u doh, u kdung wa kiwi kiwi ya i metyap.
Kiwa emlang hei pyndep ya ka niam nadooh kiwa ha yung ha sem hap ki wow sait bha ya ki kti.
Ya i thaw tlep toh u tih ya i thlu wa yillu 6 feet, wei lada thang emkaam wow pyntikna wa i tpai ym man i iwa ktah ya kiwi khnang wow ye wow pynlang wow pyndep ya ka niam wa khaddooh.
Ka kari wa kit ya i metyap wa kiwa embynta wow pyndep ya ka lehniam toh u pynkhooid ki ya ka da i dawai 1% Sodium Hypochlorite (iwa ye u yoh na Pharmacy).
