Khliehriat: U District Magistrate ka East Jaiñtia Hills District, Khliehriat da pyntip paidbah u wa kam chibynta wow yada na u khñiang COVID-19 hapoh ka District yow lait na kani ka khlam, da pynkrehkaam daka Curfew hapoh ka Section 144 Cr.PC nadooh 6:00 AM ka 3rd April, 2020 hadooh 7:00 AM ka 6th u April, 2020.
Kani ka Curfew ym krehkaam ko yaki Security Force, Medical Teams wa em Duty, Wholesale & Retail Pharmacies, Police & Armed Force, Fire & Emergency Service, MeECL, DTO Office, Enforcement Inspector, DAO, DHO Offices, Food and Civil Supply Department/ PDS, Public Work Department (PWD), Public Health Engineering (PHE) Department, SBM Office, Veterinary Department, Telecom, Telegraph, Communications & IT Services, Print and Electronic Media, District Administration (ki wakreh u wan ki du 50%), Block & DRDA Offices (ki wakreh u wan ki 50%).
Ym khang yei krehkaam ki Essential Services kam ki wakreh NIC, Health Services, LPG Delivers, Online Food Delivery, Online Services Delivery, Courier Services, Banks & Treasuries, Petrol Pumps kiwa em thaw pyndap la-ær (Air Filler Services) neibynta ki kari waki dukan wa leh Mobile Recharge Service.
Ym khang leh yaki kari wa kit mar wa emkaam (Essential Commodities), kiwa kit yaki Security Forces, ki Medical Equipment. Ym khang leh yaki kari wa em Car Pass wow pyndep ki ya ki kaam wa da dep kdaw wei toh u pynemkaam ki du heipor wa emkaam donhi. Kiwa yah kari wa kiwa emlang wa ki hap ki wow leh yaka Medical Screening katkam ki kyndon wa da booh.
U District Magistrate da pyntip u leh wa ki kari kit um wow haap ki wow yoh bor neibyna ini naka yung krehkaam yong oo. Heiyatoh won wa i yap bru wa i tlep bru, u chah du ya kitu wa em yatoh wa kiwa yajan wei yaka Car Pass u yoh neibynta 3 ngut ha kawi ka kari.
Kani ka hukum da ban ko ya kiwi ki hukum wa da dep pynmih heiyatoh wa kani ka jooh ka kaam.
Discussion about this post