U Deputy Commissioner ka West Jaiñtia Hills District da pyntip u wa kam chibynta wow yaleh pyrchah yaka khlam COVID-19, da pynmih hukum u wow pynkrehkaam hapoh waroh kawi ka District yaka Section 144 Cr.PC deilang waka Regulation 3 ka Meghalaya Epidemic Diseases, COVID-19 Regulation 2020 nadooh 6:00 AM ka 4th May 2020 hadooh wa pynmih hukum da kamwi.
Kamtæ da khang wow yalang ki bru palat 4 ngut cha bar ki yung ki bru samen, ym chah wow lai ki kari ki bru samen, i wai yaki thaw wa jooh pynman yaw, ki Mall, ki Restaurant, ki dukan cha wa kiwi ki jait kam ki Hotel, ym chah wow pynman yaki yalang niam, u mynthu kat cha wa yoh haki thaw paidbah, i uiñ i lai hapoh District kamjooh cha kiwi ki District, u wai yaki thaw uiñke suwari, ki Gym, ki madan yalehke, u pynyap dakha ha ki um ki wah deiwa pynemkaam Dynamite, i bih wa kiwi kiwi.
Kani ka hukum ym ktah ko ya ki Out-Patient Department (OPD) ki thaw sumaar kamjooh ki Medical Clinic deiwa bood yaki kyndon ka Social Distancing, ki Security Forces, Medical Teams wa em duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department wa FCI, Jowai Municipal Board, Telecom, Communications & IT Services waki CSC, Print & Electronic Media, ki wakreh sorkar (Government Official on Duty), ki Bank wa Treasury, ka chnat PHE, AH&Vety., Agriculture & Horticulture waka C&RD Block, ka Meghalaya State Pollution Control Board (MSPCB).
Waroh ki Fair Price Shop kiwa em hapoh NFSA wa Non-NFSA u wai hi ki man ka sngi nadooh 9 waje i step hadooh 5 waje i janmiet.
I wai ki dukan (Wholesaler wa Retailer) won toh katkam wada dep pynbait hi nachwa heiwa da pynyinsur yei por nadooh 9 waje i step hadooh 5 waje i janmiet.
Kiwa leh yaka Courier Service u chah du ya kiwa kit yaki mar wa emkaam donhi katkam ki hukum ka sorkar kamjooh ya kiwa leh yaki E-Commerce kiwa dai yaki mar wa emkaam donhi katkam ka hukum sorkar.
Ki kaam wa seiñ da ki bru samen kam ki Electrician, IT Repair, Plumber, Motor Mechanic waki Carpenter (Mistri) u chah u leh ki yei kaam ki ha ki jar jiar ki yung ki sem yong ki wa haki Workshop ki yong ki.
Ki karkhana chna truck kiwa em ha ki Highway kiwa da yoh bor u wai, u wai hi ki katkam ki kyndon, kamjooh ki thaw chna kari kiwa em cha palatsor kiwa da yoh bor na ki waheh chnong yong ki.
Ki dukan Hardware kiwa da jied wow wai da ki waheh wow wai toh du ya kiwa dai, CGI Sheet (tin yung), khyndaw-bilat wa kiwi ki mar wa emkaam wow chna u tei, u wa ki haka Wednesday wa Saturday nadooh 9 waje i step hadooh 5 waje i janmiet.
Ki dukan dai tiar light namo ki Electrical Shop kiwa da jied da ki waheh chnong u wa ki haka Wednesday waka Saturday nadooh 9 waje i step hadooh 5 waje i janmiet.
Heiyatoh won waki karkhana yong ka sorkar kamjooh yong ki bru samen u chah u wai yaki kiwa chna baam (Food Processing) wa em cha thaw plat sor (Rural Areas) ki wym haap hapoh u pood u ang ka Municipal wa kynthup lang yaki thaw dung khoo wa kiwa pynmih phniang baam.
Chah hi leh wow krehkaam ki thaw chna moo block kiwa em cha palat sor (Rural Area) kiwa em cha baar ka Municipal.
Kiwi won ki karkhana toh katkam kiwa da jied da u General Manager, District Commerce & Industries Centre, Jowai.
Da pteiñ hi leh wow chah yaki kaam rep, i ri mrad i psan dakha, i dai dud, i pynmih yaki mar baam na i dud, i pynpoi yaki marbaam yaki mrad, ki symbe, i kit yaki mar rep, kamjooh kiwi ki kor waki tiar ki tar wa yatoh wa i rep i riang. Ki kari kit mar wa yatoh wa ini emkaam ki wow yaki Car Pass naki BDO ha ki Block, SDO haki Sub-Division wa naki sahep sorkar kiwa pait yaka chnat wa yatoh wa ini.
U chah leh u wai ki Veterinary Hospital, Dispensary, Clinic wa i dai dawai dachin wa yatoh wa kani ka kaam.
Ki karkhana pynmih slacha, ki thaw thung slacha u krehkaam ki deiwa pynemkaam 50% donhi ki wakreh.
Ki kaam MNREGA u lai bait ki kamwa da chah chwa nadooh ini wa dep.
I chna sarok, ki Irrigation Project, i chna yung kamjooh waroh ki Industrial Project wa kynthup yaki MSME kiwa em cha palat sor iwa mut cha baar i pait ka Municipal kamjooh kiwi ki jait Project hapoh ki Industrial Estate wa da jied da u DC ka District kiwa man kiwa jhan u leh u chah u lai ki chakhmat katkam ki kyndon wa da dep pynmih chwa lyngba No.POL.75/2020/pt.I/21, Dr 23.4.2020.
I tih mooria, u chyiap katkam ka aiñ MMMRC wei tylliat moo da chah wow kit yaki yow pynkekaam cha ki thaw chna hapoh ka District deiwa yoh yaki Pass na u Divisional Forest Officer (T) West Jaiñtia Hills District.
Heiyatoh won wa i chna i tei hapoh ki thaw wa em ha sor heiwa ki wakreh toh kiwa napoh jylla ki wym hap wow wanrah na baar jylla emkaam ki wow yoh bor na u DC.
Da chah leh yei dai yaki ktung, ki dakharang, i tungtap kiwa da jied da ki waheh chnong haki sngi wa chah u wai dukan kam kiwi. Da chah leh wow dai yaki um song (Packaged Water) kamjooh ki umsoh wa da jied da ki waheh chnong.
Kiwi ki dukan kam kiwa dai wei chna mobile kamjooh yaki Computer u chah hi kamwa nadooh ini wa da dep.
Yaki Car Pass yong ki wakreh sorkar hap leh kamwa da leh ini wa dep kamjooh kiwi ki kari wa chah u pynemkaam. Ini kynthup ko ya kitu kiwa kit saroo, kwai wa pathi kamjooh ki kari kit um.
I tih moochuni wa kiwa tih moo (Boulder) u chah u ya kitu kiwa em yaka Lease wei kiwa pynemkaam du hapoh ka jylla waka ri, ym chah u challan cha baar ri. Ya ini emkaam wow yoh bor na u DC.
Ka yaw wa em ha Lay-by ha Ialong u wai hi ko kamjooh nadooh 9 waje i step hadooh 5 waje i janmiet haka Tuesday wa Friday.
Discussion about this post