Ka VDP Shangpung Mission kam chibynta wow pynchngaaiñ ya ka imlang sahlang da booh ko ya ki kyndon maham kiwa man kamni ha wah:
Ym chah ya kiwon kiwon ki kari wow pynheh ya ki sur tem hapoh u pood u ang yong ka Dorbar Chnong Shangpung Mission.
Ym chah ya kiwon kiwon ki kari wow pynyieñ ha ki thaw wa cha kdong wa ki thaw wa doom heipor miet.
Ym chah ya kiwon kiwon ki kari wow yah pynhær smat hapoh u pood u ang yong ka Dorbar Chnong Shangpung Mission.
Ym chah ya kiwon kiwon ki bru wow chongke, chong dih kiad lane kiwon kiwon ki kynja dih pynmuaid hapoh chnong poh thaw.
Ym chah wow klam ki ktien khlem akor hapoh chnong poh thaw.
Ym chah wow noh jakhlai hapoh chnong poh thaw.
Ym chah ya ki bru wa na baar yong ka chnong wow lai wow yieñ ki palat i por 9:00 waje i miet lait noh du kitu kiwa emkaam.
Ym chah wow thang ya ki LED Light ha ki kari hapoh u pood u ang ka chnong Shangpung Mission.
Lada chem ya kiwon kiwon kiwa tyngkheiñ ya kini ki kyndon, ka VDP Shangpung Mission daw pynchitom ko katkam ki kyndon aiñ yong ka.
I pyntip na u President ka VDP Shangpung Mission, u Macmillan Suchiang wa u General Secretary, u Lasanki Langstang.
