Heiyatoh wa i pynbna ka sorkar jylla Meghalaya wow wai noh ya ki College nadooh ka 1 tarik u Naikhynde, 2021 kiwa em ha ki thaw wa cha sor wa cha palat sor, da pynmih ya ki kyndon heiyatoh wa ini deiwa ong wa iwa emkaam dooh toh u yoh bor chwa na ki bei ki pa yow lai ki khon ki kti ki cha College.
Ki kyndon wa hap u bood manda sdang u wai ya ki College man ki kamni ha wah:
Ki kynta wow e sika toh u man ki 3-4 kynta chi sngi dei wym chah wow pynman ya kiwon kiwon ki yalang lane ki yalehke Sports.
Ki College toh u booh ki ya ki thaw pyn chongkset deiwa ya krehlang wa ka chnat i chait i khiah lada em i jia iwon iwon.
Ki DC ye ki wow chim ya ka rai heiyatoh wow wai noh ya ki College deiwa sdang da ka Task Force Committee yow pait kammon wow wai kamjooh lada hoi wow wai.
Da pynchlur ya kiwa sikai kamjooh ki wakreh wow chim ki yei tika. Kiwa sikai wa ki wakreh ki wym pu em chim yei tika hap ki wow leh ya ka RT-PCR Test man ka 10 sngi wei wow e ya ka Certificate cha ki khlieh College.
Du 50% na kiwa lai puræ wow em hapoh kamra heipor wa e sikai wei toh u chong yajngai uwi na uwi.
Lada kjut lane kjut kiwa hayung kiwa lai puræ, da phah wow neh ha yung khlem wan cha College.
Waroh hap ki wow deiñ ya ki Mask, u sait ya ki kti dei langær wei wow pynemkaam leh ya ki Hand Sanitizers. Toh u pynmyllien leh wow tymmoh yei ktien i khmut hawa ky’oh næ synrieh.
Chwa wow wai ya ki College toh u sait pynkhooid da ka 1% Sodium Hypochlorite Solution. Katwa kitu ki College kiwa da pynman kam ki Quarantine Centre toh u pynkhooid bha ya ki. Ym toh u phah da ki khynnah ka College hawa pynkhooid.
Ym toh u pynemkaam lang ya ki kot ki sla, ki khulom, ki klong um wa kiwi kiwi de kam kini ki jait.
Ki Computer, Laptop, Printer wa kiwi kiwi toh u sait pynkhooid da ki 70% Alcohol Wipes.
