Ki kyndon neibynta ka Election MDC hapoh ka pood u ang ka Dorbar Chnong Tuber Kmaishnong

Katkam ka Executive Committee chnong wa dadep pynman ha ka 27-01-25, da rai da iwi i sur neibynta wow kdoh u khoom ya ki kaam sih kiwa boon rukom, kamtæ ka Committee da booh ko da ki kyndon ki wow krehkaam du hapoh ka chnong, Tuber Kmaishnong nadooh ka 01-02-2025 hadooh ka 21-02-25 wei ki kyndon man ki kamni ha wah:

1. Du ki kyrtong wa uwi wa bood yong oo wa ye wow wan psiah wow pynsñiawthooh cha ki manyung kiwa em ha ka chnong.
2. Ym chah u wan ki bru ki wym tipmit wow psiah khlem da tip da ka dorbar chnong, lait noh ki bru wa da kdaw haka kyndon-1.
3. Hawa yatoh wa ka Election Campaign, waroh ki kyrtong ye ki wow wan pynman Campaign tangwa da ki kyndon ha wah:

1. Ki Candidate ye ki wow booh ya ka tarik yong ki ha kawon kawon ka sngi.
2. Ka chnong u e laad ko du 5 tylli ki Ligh Motor Vehicle wow psiah chapoh chnong yow pynman ya ka Campaign.
3. Ka chnong daw e laad ko du 5 ngut ki bru wow pynsñiawthooh wa kynthuplang wa u Candidate.
4. Ym chah wow wan paidbah kiwa na baar chnong heipor Campaign, neibhah ka Campaign wa pynman u man bait ka pynsñiawthooh du ya kiwa chong chnong ka yong i.
5. Ym chah wow booh Poster næ lama ha Dorbar Chnong Community Hall, lada pynman hapoh Community Hall
6. Ym chah wow pynman khawai dawai hapoh ka Community Hall.

Ka Dorbar Chnong ym khanglaad ko yei wan pynsñiawthooh yong waroh ki Candidate hapoh chnong tangwa khnang yow neh ka chongsuk chongsaaiñ, da kyrpaad ya phi waroh wow sñiawbha wow bood ya ki kyndon wa da kdaw wei kiwon kiwon ki Party leh ye ki wow wan pynsñiawthooh nadooh ka 01-02-22 tangwa ym chah wow leh tam ya ka kyndon No. 3.ii & iii

Ka dorbar chnong da kyrmen skem ko wow ya krehlang neibynta i bha hapoh ka chnong yong i.

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

January 18, 2026