Jowai: U Superintendent of Police ka West Jaiñtia Hills da pynbna u ya i rukom pyllai kari ha kani ka 27-28 tarik ki sngi wow pynman ya ka NH7 Weekender ha Lad Mukhla, Thadlaskeiñ, WJH.
Kini ki kyndon pyllai kari wa em hawah u krehkaam ki nadooh 12:00 waje pyrdi sngi hadooh 10:00 waje i miet ha kini ki ar sngi.
Ya ki truck wa wan na Mawryngkneng kamjooh na Phramer ym chah u psiah ki nadooh 3:00 waje i sngi hadooh 12:00 waje pyrdi synyaw. Tangwa lada duna kari daw pyllait ya ki u lai ki kattu katni tylli chisien.
Ym cha u pynyieñ ya ki kari khian charood u Sarok Bah NH-44 wei kiwa leh pyrchah ya ini daw chah taan ki.
Da khang leh wym hoi u chim pass heipor wa sah ki kari.
Ki kari wa wan na Jowai wa kiwi ki thaw wa mut u lai cha Shillong/Guwahati kamjooh kiwa wan ha Khliehriat ye ki u lai kamwa jooh hi.
Ki kari won kiwa wan cha Jowai haap lai ki lyngba u sarok Jowai Bypass wei haap psiah ki na u sarok Khliehtyrchi yow mih biang ki ha u NH-44 hei bynta Moopyllaitsyiar.
Kiwa wan won cha ka NH7 haap booh kari ki ha Lum Raman, Mukhla wa em hadien wa palat ya ka Petrol Pump wa em neiliang timun ya kiwa wan na Shillong, em leh sa kawi hajan Highwinds. I booh kari ymtoh u pynthut ko yei lai i wan ki kari.
Ki kari ym chah u psiah ki cha i thaw wa pynman NH7, waroh haap lai dei kjat ki.
Da maham leh ya kiwa yah kari dei muaid wei ki pulit leh daw rah ki da ki Alcometer yow pait ya ini wei daw chah pynchitom ki katkam ka aiñ.
Ye leh u phone pulit ha u number 9856040403 lada emkaam yarap ki paidbah heiwon heiwon i por.
Ym chah u dai kiad ya kiwa ym em yohbor wei daw pynchitom lada chem ya kiwa leh bakla.
Ym hoi u pynheh sur hapoh kari namo heipor wa lai kjat katkam ka aiñ.
Discussion about this post