Ki kyndon thymme ya ki dukan ha East Jaiñtia katkam wa man ynne ka 17 tarik

Khliehriat: U Deputy Commissioner ka East Jaiñtia Hills District da pyntip paidbah u wa khnang wow tip ki paidbah ya ki por wow lai thied mar khamtam ha ki por wa krehkaam ka Lockdown.

Waroh ki Fair Price Shop hapoh ka NFSA wa Non NFSA u wai ki man ka sngi nadooh 9:00 i step hadooh 4:00 i janmiet wow dai ya u khoo. Waroh ki dukan wa da jied wow dai ya ki mar wa emkaam kam ki mar baam, ki jhoor, doh, soh, mobile recharge shop, wa kiwi kiwi kamjooh leh ki dukan wa dai ya ki mar rep wa kiwa psan mrad kam ki sboh, ki dawai, kamjooh leh ki dukan dai dawai u wai ki nadooh 10:00 i step hadooh 1:00 i sngi nadooh ka Sngi nyngkong (Monday) hadooh ka Thohdieñ (Friday).

Da pyntip u leh wa ki dukan dailang (wholesale) ha Umpleng (Cement Market) u wai ki ha ka 20.04.20 hadooh 23.04.20 (Monday to Thursday) nadooh 2:00 i sngi hadooh 4:00 i janmiet khnang wa ki chnong kam ka Saipung, Muallain wa kiwi kiwi u ye ki paidbah yong ki wow wan thied ya kini ki mar wa emkaam. Katwa ki dukan dailang ha Lad Rymbai, Khliehriat, Sookilo u wai ki nadooh ka 20.04.20 hadooh ka 24.04.20 (Monday to Friday) nadooh 2:00 i sngi hadooh 4:00 i janmiet neibynta kiwi ki thaw ka district, khamtam kiwa harood u pood wa ka Assam wa Bangladesh.

Ki thaw wow su ya ka bai bordiñ toh u khrong man ka sngi ha ki yung yonglang ki chnong namo ki Community Hall ki chnong nadooh 9:00 i step hadooh 4:00 i janmiet deiwa krehlang wa ki bor ki chnong wa ka yung krehkaam ka MeECL, East Jaiñtia Hills District.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh wa ki dukan chna mobile namo ki mobile repair shops wa ki service center da chah u wai ya ki ha ki chnong wa em hapoh ka District.

Waroh ki Bank hadpoh ka District u wai ki nadooh 10:00 i step hadooh 4:00 i janmiet ha jar jiar ki thaw deiwa bood leh ya ki kyndon wa da booh ka sorkar.

Heiyatoh wa ki Registered Supplier wa ki Retailers yong kiwa psan mrad wa tipmit da ka chnat Animal Husbandry and Veterinary Department Government of Meghalaya u man ki kiwa wai wow dai mrad, wa ki mar baam ki mrad (Livestock, Poultry and Pet Feed).

Da kyntu leh ya ki bor chnong wow bood ki ya ki kyndon wa da booh khamtam wa yatoh wa i yajngai iwi na iwi wa kiwi kiwi heiyatoh wa i yakhun pyrchah ya kani ka khlam.