U Commissioner & Secretary ka chnat Health & Family Welfare Department ka sorkar Meghalaya da pynbna u wa deiwa pynduna yaka Lockdown, da chah leh wow sdang biang yei chondur Aadhaar hapoh ka jylla deiwa bood yaki kyndon.
Ki kyndon wa toh u bood haki thaw yaleh Aadhaar man ki kamni ha wah:
- Waroh ki thaw leh Aadhaar toh u pynkhooid bha yaki chwa wow wai kamjooh hadien wa khang. Waroh ki tiar ki tar wa pynemkaam toh u pynkhooid (Sanitize) kut wa dep pynemkaam. Kamjooh ya ki dwar, ki chuki wa pynemkaam bha, toh u pynkhooid man ka 2 kynta. I thaw wa leh Aadhaar toh u man i iwa khooid, iwa heh wa iwa pynngad.
- Ya kiwa wan leh Aadhaar toh u sylli chwa ya ki deiwa pynemkaam da ki Thermal Scanner yow chem lada iñdoh ki. Ya kitu kiwa em ka’oh, kiwa chem chitom wow riñ mynsien wa kiwi kiwi, ym chah yaki wow wan ki cha kini ki thaw.
- Kiwa wan leh Aadhaar toh u deiñ ki yaki Mask ha waroh i por lait noh ha i por wa chondur, wow sait yaki kti da ka um wa i sabon, toh u pynemkaam leh yaki Sanitizer hadien wa dep wow leh ya iwa emkaam.
- Ki wakreh ha kini ki thaw, kiwa pynkrehkaam yaki kor leh toh u sait bha ki yaki kti yong ki daka um wa i sabon, u deiñ yaki Mask, ki sapkti, wei ym toh wow tba ya i khmut, i ktien wa i khmat yong ki heipor wa kreh ki. Wei wow sait yei kti hadien wa looid yaki sapkti.
- Ya ki tiar ki tar toh u pynkhooid hadien wa pynemkaam deiwa niam daka that kawa da wieh ha i Rubbing Alcohol (70% isopropyl alcohol, 30% water), wei wow sap daki sapkti hawa pynkhooid yaki tiar ki tar.
- Kiwa wan leh Aadhaar hap ki wow yajnagi uwi na uwi da 1 meter wei ye wow booh hadooh katwon ngut kiwa ye u wan yaleh Aaadhar haka chi sngi yow lait u khynnia.
- Ym chah wow baam kwai/duma, u dih sikret hapoh kamjooh cha lait ki thaw leh Aadhaar.
- Ym toh u chah ya kiwa wan na ki thaw wa joor i poor u COVID-19 wow wan leh Aadhaar ki.
