Kam chibynta wow yakhun ya ka khlam u COVID-19, neiliang ka sorkar jylla da booh ko ya ki kyndon wow bood ki dukan ah sñiooh (Saloon) wa ki dukan pynmiat kynthai (Beauty Parlours).
Ki kyndon wa da bood ki man ki kamni hawah :
- Ki bru wa pynyoo dak wa chitom ki kam nei synrum, i iñdoh, ky’oh, kjut chy’oh ymtoh u chah ya ki u psiah chapoh.
- Ki dukan toh u pynbiang ki ya ki thaw sait-kti, wa ki sanitizer wei u chah ya ki bru chapoh du hadien wa pynkhooid kti ki.
- Ki tre dukan toh u bahkhlieh ki wa jngai ki bru iwi na iwi wei wow lait nei khynñia.
- Daw chah chwa du wow ah sñiooh wei wow khi tmaaiñ.
- Ini waroh ymtoh u slem i palat ya ka 15-20 minit wei wow kiar nei slem.
- Ymtoh u khublei-kti ki bru næ wow kdung iwi iwi kam ka dak e khublei.
- Waroh ki wakreh ha kini ki dukan toh u sap mask ki wa ki sap-kti. Toh u sait-kti dei langær kamjooh yaki kaaid, yuchun, chwa wei hadien wa pynemkaam. Toh u pynemkaam yaki Blade wa thymme wei ki sula sap (disposable gown) toh u pynemkaam ya jar jiar ki bru wei i dor kini ki tiar ye u kheiñlang chirup wa ka bai ah sñiooh.
- Ymtoh u chah wow psiah ki bru khlem ka mask wei khlem sait-kti.
- Toh u sait ya ki dukan chwa wow wai wei hadien wa khang kamjooh leh wow pynkhooid ya ki thaw wa dwar (handle/knob) man ka kynta.
- Toh u booh ya ki kyndon krehkaam wow bood ki paidbah ya kiwa da thoh dei ktien wa klam wa sñiawthooh ha ki chnong ki thaw.
- Toh u e Token khnang wow poi ka pali yong kiwa wan yow lait nei khynñia.
- Toh u pynchlur u su khlem pynemkaam da ka poisa (Cashless Transaction) katwa ye yow lait ware i yabi iwi ya iwi.
- Ya ki jhep wa mih toh u noh katkam ki kyndon ka CPCB wei ymtoh u nohroi ya i jhep.
- Toh u pynchlur ya ki bru wymtoh u dih ki ya u jooh u duma (cigarette), biri, u kwai wa duma.
- Ki thaw psiah thaw mih toh u em ki jar jiar katwa ye.
Kani toh katkam ka wyrta na u Commissioner & Secretary to the Government of Meghalaya, Health & Family Welfare Department.
