Ki kyndon wa hap bood manda wanrah bru wakreh na baar jylla

Ka sorkar Meghalaya da pynmih ko yaki kyndon hawa wanrah ya ki wakreh kiwa na baar jylla kiwa tip kam ki Skilled/Highly Skilled Workers namo ki bru wakreh kiwa pliah bha ha ki kaam wa kreh ki. Ya kini ki kyndon namo ki Standard Operating Procedures (SOPs) da pynmih neibynta ki bru wa wanrah ya kini ki wakreh yow bood ki yow lait namo wow pynduna yei poor ka khlam COVID-19.

Waroh kiwa wanrah yaki bru wakreh na baar ka jylla hap ki wow yoh bor chwa naki jar jiar ki DC deiwa e lut i yutip lut chaphang ki wareh wa thmu ki wow wanrah nadooh ki thaw sah, ki phone number wa kiwi kiwi.

Kiwa wanrah hap ki leh wow pyntip wa cha u Deputy Labour Commissioner ka District wa daw bood ki yaki kyndon wa da booh daka Ministry of Home Affairs kamjooh ki yong ka Health and Family Welfare Department, Government of Meghalaya chwa wow sdang ki u kreh.

Hadien wa yoh bor, daw hap Register ya ki wakreh wa u Deputy Labour Commissioner ka District deiwa e ka yutip wa bniah chaphang ki wakreh wa wanrah ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Manda poi ki wakreh, waroh daw hap ki wow leh yaka Screening wei daw hap Test leh ya u COVID-19 katkam ki kyndon wa da booh daka Health and Family Welfare  Department,  ka sorkar Meghalaya wei daw hap li booh yaki da kiwa wanrah yaki cha i thaw leh Quarantine wa hap dei su hadooh wa yoh yaka Test  Result. I su ya i bai leh Quarantine toh u bahkhlieh da kiwa wanrah ya ki wakreh. Wei lada em kiwa yoh COVID-19 daw haap bood yaki kyndon ka Health and Family Welfare Department ka sorkar Meghalaya.

Ya kiwa da dep Test wei da chem wa ym em yoh COVID-19 ki daw hap li booh kiwa wanrah yaki cha i thaw leh Quarantine wa da pynkhreh da kiwa wanrah yaki yow leh Quarantine ki 14 sngi.

Hadien wa pyndep yaka Quarantine, kiwa wanrah ya kini ki wakreh toh u pyntikna ki wakreh yong ki u neh ki du hapoh i thaw kreh donhi. U em ki leh ya i bahkhlieh wow bood ya ki kyndon ka Social Distancing deiwa phah deiñ leh yaki Mask ha waroh ki por. Toh u pyntikna leh wa biang ki sabon, ki Hand Sanitizer ki Mask kamjooh ki thaw sait-kti.

Toh u pynkhreh leh kammon wow pynkhooid yaki tiar ki tar, u pynsñiawthooh leh ya ki wakreh chaphang u COVID-19 kam ki dak ki chin manda yoh ya uni u khñiang kammon u leh ki laad wow yada.

Kiwa e kreh toh u pyntikna ki wa waroh ki wakreh yong ki u em ki yaka Health Insurance Scheme wa thied daki hi (kiwa e kreh).