Ki kyndon wow bood ki thaw puræ hawa e Admission thymme

Kam chibynta wow pteiñ yei yakhun pyrchah ya ka khlam COVID-19, ka sorkar jylla lyngba ka chnat puræ puthi da pynmih ko ya ka hukum wow bood ki thaw puræ (College) hawa leh ya ka Admission.

Kini ki kyndon man ki kamni hawah:

Waroh ki Admission Form/Prospectus toh u e da ka Online Mode wei toh u man ko mynkna.

Waroh ki thaw puræ toh u chna namo booh ki ya ka Website Link wei wow Upload ya ka wi donhi ka Form kawa suk u pyndap (Simple Admission Format) kawa man ka Form wa ye u Download.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Toh u pyntip leh wa ya ki Form toh kiwa ye u Download na kiwon kiwon ki Cyber Café wa ki CSC ha ki Block/District.

Ya ki Admission Form ye u ekti (Submit) Online namo Offline. Yaka Online Submission ya ki Form ye u leh mar ya yoh ki khynnah ya ki kot ki sla yong ki.

Neibynta ka Offline Submission ya ki Form namo deiwa ekti ya ki Form pyn da ki khynnah ha ki thaw puræ ye wow leh kamni hawah:

Toh u chah du hapoh 200 ngut ki khynnah ha ka chi sngi. Ye u booh jar jiar i por lada jia wa em i khynñia hawa thap Form.

Lada jia wa em i khynñia namo i boon bru ye ki thaw puræ u chim ki laad ki luti wa emkaam, kam ka nongmuna: wow chimkti ya ki Form deiwa lai sarin ki dak thoh (A-D,E-H) katkam wa em haka Form lane katkam i lai sarin i pyrtuid yong ki khynnah.

Heiyatoh wa i su ya ka bai Admission waka bai puræ (Fees), u leh ya ka Online deiwa pynemkaam yaka Online Bank Transfer/Payment Portals wa da tipmit da ka RBI. Ki thaw puræ emkaam ki wow e yutip hajrong ka Account Number chirrup i pyrtuid ki Bank, ka Branch, IFSC wa kiwi kiwi.

Lada jia wa ymye namo wa chem chitom u su ya ka Fees (Online) neibynta ki khynnah wa sah palat-sor; ye wow su da ka poisa næ Cheque deiwa bood thij ya ki kyndon ka Social Distancing wa kiwi kiwi ki kyndon.

Ki tarik wa khaddooh wow pdiang ya ki Form wa ki tarik wow pynbna ya ka 1^st list u man ki kamni hawah:

Ka bynta wa ar (Second Phase) wow pdiang ya ka Sdmission cha ki Stream/Course u sdang ki du hadien ka 7^th August 2020 deiwa bood thij ya ki kyndon wa hajrong.

Neiliang u Wyrta pyntip i leh cha ki College wa ki skur, wa lada kwah ki wow booh ya ki Form yong phi wow Download ki khynnah ye ki wow leh lyngba ka website u Wyrta.