Jowai : Hadien wad a em i jia wa sñiawsih ha ka 26 tarik ha uni u bnai wa da dep ha West Khasi Hills heiwa da dooh hadooh 17 tylli ki mynsien wei da mynsoo da ki phaw ngut kamtæ yow lait na iwon iwon i jia wa sñiawsih ha kani ka Synod ha ka chnong Mihmyntdu wa ha Ummulong da chim ki ya ki laad ki luti wa emkaam.
U Superintendent of Police, DSB, West Jaiñtia Hills neibynta wow yada ya kiwa lai Synod da kyntu u ya ki wow bood ki ya ki aiñ yah kari wow dam u chong ha ki Truck ki kari kit mar, ki Pick-Up Truck wa kiwi kiwi wei wow yait nei chim pass næ overtake khamtam ha ki thaw wa dong yow lait nei pynhær kari.
Da kyntu u ya ki paidbah wow pyndait Seatbelt, ymtoh u pynemkaam ya ki Mobile Phone heipor wa yah kari, wei ymhoi u kit palat pood ya ki bru hapoh kari.
Ya kiwa lai Synod da kyntu wow mih smat ki na yung yow lait ki u lai jhan iwa pynbor ya ki u pynhær kari, wei daw pynyoo leh ya ki ya ki thaw wow pynyieñ kari ki.
Da kyntu leh ya kiwa yah ymhoi u dih kiad ki namo kiwon kiwon ki jait dih jait baam kiwa pynmu-aid.
Discussion about this post