Ki kyndon wow pynchitom ya ki bru ki wym bood ya ki kyndon ka sorkar

Khliehriat: U Deputy Commissioner, East Jañitia Hills District da pynbna paidbah u wa katkam ka hukum ka sorkar jylla, kiwon kiwon kiwa tyngkheiñ ya ka aiñ wow yajngai iwi na iwi (Social Distancing) kamjooh leh ki wym sap Mask ha ki thaw paidbah, daw chah pynchitom ki katkam ka kyndon Section 269 IPC.

Kani ka kyndon toh kawa kdaw wa kiwon kiwon kiwa pynpoor ya i chitom wa kthah yei mynsien bru dei leh stiñ/habra namo wym mano, daw chah kset patok ki hadooh 6 bnai wa ka kuna, namo waroh ar.

Chooh chooh da maham leh wa daw pynchitom rynkat wa kiwi kiwi ki kyndon kiwa haap hapoh ka Indian Penal Code (IPC).

Katwa kamtæ da phah ya ki tre dukan, kiwa chong dukan næ ha ki thaw kreh wow bood ryntih ki ya ki laad yada wa da booh da ka sorkar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Deputy Commissioner da maham u leh wa lada chem ya kiwon kiwon ki dukan kiwa ym mano næ bood ya kini ki kyndon daw khang noh ya ki dukan yong ki.

Chooh chooh da ong u wa kiwon kiwon kiwa dang em hapoh i chong-kset ha yung (Home Quarantine) lada mih ki cha baar næ sarok khlem bood ryntih ya ki hukum ka sorkar daw ngat ki ha ki jooh ki kyndon.