Nadooh ka 1 tarik u Naikhynde, 2021 kiwa uiñke suwari kiwa wan na baar ka Meghalaya da chah biang ya ki deiwa booh kyndon kamjooh da chah leh ya ki nong Meghalaya wow lai ki cha waroh ki thaw uiñke suwari kiwa em hapoh ka jylla.
Ya kiwa wan na baar jylla hap ki wow man kiwa da dep yoh tika waroh arsien, lada toh won kiwa yoh dang du chisien yei tika, wei yahlang ki wa ki khynnah kiwa 11 snem hadooh 18 snem i rta, hap ki wow pynyoo ya ka Negative RT-PCR/TruNat/CBNAAT Test ki wow krehkaam hapoh 72 kynta nadooh wa poi ki ha ki Entry Point. Ym pdiang ya ki RAT Test.
Tangwa lada em ki dak ki chin wa chitom, hanla man ki kiwa da dep yoh tika waroh arsien, daw Test hi ya ki. Kiwa wan uiñke suwari hap ki wow Register ha ka website ka www.meghalayatourism.in lane ha ka App ka Meghalaya Tourism yow yoh ki ya ka e-Invite.
Chwa wow psiah, emkaam wow booh chwa chi sngi i thaw sah ha ki Hotel/Homestay/Guest House. Lada sah won ha ki yung ki bru samen hap wow e yei Phone Number yong ki tre yung wei wow khana pura heiwon em i yung.
Neibynta ki Hotel, Homestay, Guest House, Restaurant, Café, ki thaw uiñke suwar, ki Tourist Taxi wa kiwi kiwi, da sneiñ wow pyndep ya waroh arsien i e tika. Wei daw wai ki du deiwa yohbor na ki jar jiar ki DC.
Neibynta kiwa napoh ka jylla hi, kitu kiwa da dep yoh tika waroh arsien u chah u sah ki hapoh ki Hotel deiwa pynyoo ya ka Vaccination Certificate. Ya kitu won kiwa da yoh tika dang chisien wei kiwa wanlang wa ki khynnah wa 11-18 snem i rta, hap ki wow pynyoo ya ka Negative RT-PCR/TruNat/CBNAAT Report ki wow krehkaam du hapoh 72 kynta hadooh wa poi ki ha ka Hotel/Guest House/Homestay.
Ha ki thaw uiñke suwari, ki Restaurant, Café wa ki Bar neibynta kiwa uiñke suwari hap ki wow wai du kat wa hoi donhi u em ki bru yow lait na i khynnia deiwa yohbor na ki jar jiar ki DC/SDO (Civil).
Kiwa uiñke suwari ye ki wow lai cha ki thaw uiñke, ki Restaurant, Café wa ki Bar du lada toh kiwa da dep yoh tika waroh arsien lane chisien.
Ki kyndon rukom wai daw pynbait da ki jar jiar ki DC.
Neibynta kiwa uiñke suwari kiwa em hapoh 11-18 snem i rta, ya kini manda sah ki ha ki Hotel hap ki wow pynyoo ya ki Negative RT-PCR/TruNat/CBNAAT Report kiwa da leh hapoh 72 kynta katwa ya ki khynnah kiwa hapoh 10 snem ym emkaam wow leh ya ini.
Kiwa em hapoh 18 snem kiwa wanlang wa kiwa hayung hasem u chah u psiah ki cha ki thaw uiñke suwari, ki Restaurant wa ki Café lada kiwa da heh toh kiwa chah u psiah katkam ki kyndon wa da dep kdaw haneiñ.
