U Chief Electoral Officer, Meghalaya da pynman yalang u heiyatoh wa ki Bank ha kini ki por wa krehkaam ka Model Code of Conduct wei wow yaklam ya ki kyndon namo ki Standard Operating Procedure (SOP) wa da pynmih da ka Indian Banks’ Association kiwa daw hap bood yow pyntikna wa lai bait ka Election wei i kit ya ka poisa leh u man ko kawa du yong ki Bank donhi ha kini ki por.
Ki kyndon da ong ki wa ki Bank wa pynemkaam da ki kari yong kiwi ki Agency/Company yow kit poisa, la kammon kammon leh toh u pyntikna wym kit ki da ki poisa yong kiwi lait noh du ka poisa yong ka Bank.
Kini ki Agency/Company toh u rah ki ki kot ki sla wa da e da ki Bank deiwa thoh bniah ya ka poisa wa da pynlait da ka Bank wow kit da kini ki kari yow lai thap ha ki kor ATM klamjooh wow lai e poisa cha ki chnat ka Bank. Ki bru kini ki Agency/Company wa pynemkaam ya kini ki kari hap ki wow rah ki Identity Card wa e da jar jiar ki Agency.
Kini ki kyndon u krehkaam ki heipor wa em ka Election wei lada em na kini ki kari wa chah ksoh ha ki bor sorkar daw hap ki wow pynyoo ya ki kot ki sla, wei yaka poisa hap ki wow lai chim na ki Bank yow lai thap cha ki ATM kamjooh yow lai booh cha ki chnat ki Bank.
Discussion about this post