Shillong: Kam chibynta wow pynduna yei khynnia kari ha sor Shillong heipor ka Durga Puja heiwa da yooluti wa daw boon bha ki kari wa ki bru ki wow lai wow wan, neliang u Deputy Inspector General of Police (ER), Meghalaya, Shillong da pynduna u yei lai i wan ki Truck nadooh ka 27 tarik uni u bnai hadooh ka 1 Naichiphaw.
Ym chah ya ki Truck u psiah ki cha Shillong nadooh 10:00 waje i step hadooh 12:00 waje i synyaw khamtam ki truck kiwa wan na Jaiñtia Hills kiwa thmu wow psiah cha Shillong lyngba ka Sohryngkham daw haap sangeh ki ha Mawryngkneng.
Katwa ya ki Truck kiwa lai cha Ri-Bhoi District lyngba ka Shillong By-Pass ym khang ya ki.
Ym chah ya ki Truck wow psiah ki cha Shillong na Umiam ha kini ki kynta wa da khang hajrong wei ki truck wa wan na West Khasi Hills District cha Shillong daw haap sangeh ki ha Mairang.
Ya ki Truck won wa wan na Mawsynram, Sohra wa Pynursla cha Shillong daw haap sangeh ki ha 7th Mile, Upper Shillong wei waroh ki truck kiwa thmu wow lai cha Jaiñtia Hills toh u lai ki na Shillong By-Pass.
Discussion about this post