Ka Shillong Press Club ha ka yalang yong ka ynne ka sngi, da pynsñiaw ko yei sñiawsih yei khlaad syndet uwa thoh khubor kamjooh uwa man kam u Treasurer ka Club, u Rajoo Sharma. U Rajoo da khlaad u ha Woodland Hospital ynne ka 12 tarik hadien wa chitom u kattu katni por. Da ieh u chadien ya ka kurim, u khon wa u khon ksu wa kiwi kiwa maya ya oo.
Ya u Rajoo daw kynmoo ya oo kam u bru wa bha mynsien wei uwa leh khian waroh i rta yong oo. Uwa smat wow yarap ya ki para wakreh kamjooh ya kiwi leh wei ym jooh kynran dien u na iwon iwon iwa da pynkit ha oo wei uwa da pyndep bait ya iwa da toh u leh u.
U Rajoo da man u leh kam uwa ch’beh luti ya kiwa boon kiwa thoh khubor kiwa katni da heh da san hei kreh yong ki. Da man u leh u bru wa stat wow e mynsien wei wow pynwandur ya kiwa thoh khubor. I khlaad yong oo da man ko i dooh wa khroo iwa da eh wow pyndap biang.
Neiliang ka Shillong Press Club da ngooh da dem ko wa u Blai kynrad u pyntngen ki ya kiwa hayung hasem u Rajoo ha kam kini ki por wa sñiawsih.
