Ki le tylli ki tnat ka MeECL

Jowai : Hapoh ka jylla Meghlaya dang ha kini ki snem wa da lai ya ka bor light jooh pyllai da ka MeSEB ( Meghalaya State Electricity Board) wei da pynkylla ya ka cha ka Meghalaya Energy Corporation Limited (MeECL) ha u snem 2010.

Ya ka MeECL kawa man ha khlieh dooh da phiah ya ka ha ki le bynta wei neiliang u Wyrta u pyntip i ya phi ya ki le tylli ki tnat yong ka MeECL.

Ka tnat wa nyngkong toh ka Meghalaya Power Generation Corporation Limited (MePGCL) kawa mut ka tnat kawa pynmih bordiñ kam ka Lechka, ka Umroi wa kiwi kiwi.

Neitæ won poi sa ka Meghalaya Power Transmission Corporation Limited (MePTCL) kawa mut ka tnat kawa pynpoi bordiñ wa khlan (transmission line) ki wire kit ki yei bordiñ nadooh 132 Kv hadooh 400 Kv. Kani ka tnat toh ka wow pynpoi bordiñ neithaw wa pynmih bordiñ cha ki thaw chwa wow saam cha ki chnong ki thaw wa ki yung ki sem.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Khaddooh poi ka tnat wa tip kam ka Meghalaya Power Distribution Corporation Limited (MePDCL)  kawa kreh ha ki laiñ nadooh 33 Kv, 11 KV . Ini mut i wa kani ka tnat kawa pynpoi bordiñ cha man la ki thlu yung.

Heijooh i por kat ya ka 0.4 KV kawa khut kam ka Single phase ka laiñ wa ka 0.44  KV da khut kam kam ka 3 Phase kawa da pynkhreh bait da ka MePDCL.

Ka rukom kheiñ bill light won næ ka Revenue won waroh haap know hapoh ka tnat MePDCL.