Ki montri wa u montri rangbah ympu sñiawthooh ki ya ki aiñ: HS Shylla

Shillong: U CEM ka KHADC, u HS Shylla da pynbaad u wa ki montri wa u montri rangbah ka sorkar jylla ympu tip ware ki chaphang ki aiñ neibhah kiwa boon ki aiñ kiwa da mynjur da ka Council chah ksoh wei chah pynuiñ biang ki na ka yung krehkaam u lat cha ka chnat District Council Affairs.

Da ong u wa ha KHADC wa ha ka sorkar, da synchaar da ki jooh ki party tangwa neiyi i daw wa da ksoh bait ya kini ki Bill wa da phah da ka Council wei ini man i mar dei kylla hawa klam ki wow pynkhlan ya ki Council.

Chooh chooh da ong u wa ka sorkar ym chah ko ya u lat wow soi ya ka aiñ ILP kawa da phah da ka Council, ka Clan Bill wa kamjooh ka Khasi Social Custoem Lineage Amendment Bill.

Da pynrap u leh wa u Conrad pnah u wow klam pharæng tangwa ym sñiawthooh u ya ki aiñ wot kamjooh u Prestone Tynsong ympu sñiawthooh u ya ki aiñ khamtam hawa yaklam u hajrong ka Them Iewmawlong.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da ong u wa kamwa man katni ka District Council man ki du kam ki chnat sorkar ym kam ki Autonomous Council (wa laitlooid) wei na ini i daw da ngiah u wow yakhun ya ka Election MDC.

Ym du kattæ, u Shylla da ong u wa u Prestone wa ki kattu katni kiwa yahkhmat ka NPP ym kwah ki wow man u kam u CEM tangwa ki MDC kiwa boon ong ki lada ym man CEM u daw lai kyrchaan biang ki ya u Pynshngain N Syiem.

Da pynkut u deiwa ong wa na ki MLA wa katni, uwa biang dooh wow man kam u montri rangbah toh u Dr. Mukul Sangma uwa da rap tip bniah bha tangwa nei leh embor samen u, da kyntait noh kiwi ki MLA ya oo.