U montri ki kaam Minority Affairs ka ri, u Mukhtar Abbas Naqvi ynne da pyntip u wa kam wow burom ya ka rai ka sorkar Saudi Arabia heiyatoh wa ka khlam u COVID-19, ka sorkar India da rai ko wa ki Muslim na India ym lai ki cha Saudi Arabia wow pyndep ya ka Haj (1441H/2020 AD).
Da pyntip u wa da yoh phone u na u montri ka Haj & Umrah ka Saudi Arabia, u Dr. Mohammad Saleh bin Taher Benten uwa da kyntu ya ka India wymtoh u phah bru wow chim bynta ha ka Haj neidaw ka khlam u COVID-19.
U Naqvi da pyntip u wa da yaklam yillu leh hajrong kani ka phang wa yatoh wa kani ka khlam kawa da ktah leh ya ka ri Saudi Arabia.
Da pyntip u wa em 2 lak tam ngut ki nong India kiwa da phah ya ki Application wow lai chimbynta ha ka Haj 2020. Da pyntip u leh wa hadien kani ka rai da pynuiñ ya ka poisa cha ki bru kiwa da e Application khlem khate yaka poisa yong ki.
Chooh chooh da pyntip u wa da em palat 2 lak ngut ki Muslim na India kiwa da lai pyndep ya ka Haj ha u 2019 wei chiteiñ na kini toh ki kynthai.
Neiliang ka sorkar Saudi Arabia Ministry da pyntip ko wa neidaw wa em ka khlam da rai wa ya ka Haj ha uni u snem daw chah duna bha ki bru wei kini toh kiwa na kiwi ki ri kiwa da sah ha Saudi Arabia.
