Heiyatoh wa i wan u Prime Minister ka ri, u Narendra Modi cha Shillong ha ka 24 tarik uni u bnai, neiliang u SP ka East Khasi Hills da pynbna u yei rukom lai rukom wan ki kari ha nongbah kamjooh ki thaw wa em chajan.
Ini i rukom pynlai kari toh iwa krehkaam nadooh 12:00 waje pyrdi sngi hadooh 2:30 i sngi ha katai ka sngi deiwa booh ya ki No Entry ha kiwa boon ki thaw.
Daw booh ya ka No Entry ha Raj Bhawan Point ya ki kari wa wan na Pinewood Junction wa kiwa kwah u lai cheiliang IGP Point. Kini daw dong ki cheiliang ka AIR Junction deiwa lai cha Lachumiere.
Daw booh leh ya ka No Entry ha AIR Junction ya ki kari wa wan neiliang ka Gurudwara Junction, Lachumiere wa kiwa kwah wow lai cha IGP Point. Kini daw hap ki wow dong ha AIR Junction yow lai cha Lachumiere.
Daw booh leh ya ka No Entry ha Centenary Junction ya ki kari wa wan na Civil Hospital Point wa kiwa kwah u lai cha IGP Point. Kini daw phah lai ki cha Barik Point katwa ki kari wa kwah u lai cha Police Bazaar daw hap ki wow lai na u sarok wa lai cha Kiang Nangbah Junction cheiliang ka Keating Road dep tæ lai cha Police Bazaar-Umsohsun Junction.
Daw booh No Entry leh ha Umsohsun Junction ya ki kari wa wan na Motphran wa Umsohsun wei kiwa kwah u lai cha Police Bazaar. Kini daw hap ki dong ha Umsohsun Junction yow lai cha Boucher Road wa chakhmat ki thaw.
Daw em leh ka No Entry ha Vishal Mart Junction ya ki kari wa wan na Jail Road wei kiwa kwah u lai Police Bazaar. Kini daw hap ki wow dong ha kani ka Vishal Mart Junction deiwa lai cheiliang ka Café Coffee Day Junction-City Hut Dhaba.
Daw em leh ka No Entry ha Kachari Point ya ki kari wa wan na IGP Point kiwa kwah u lai cha Police Bazaar. Kini daw hap ki wow dong cheiliang ka Raj Bhawan Point.
Kam wow pynkynmoo wa u Modi daw chimbynta u ha ka Road Show wa ka yalang paidbah wa daw pynman ha Khyndailad.
