Jowai: Neiliang u Niman N. Shadap uwa man kam u President ka Khasi Jaiñtia National Union (KJNU) haka khubor wa da phah u, da kyntu joor u ya ki paidbah ha waroh ki Constituency wa emkaam wow man ki kiwa chemphang heipor wa jied ya kiwa mihkhmat yong ki cha ka yung dorbar chna aiñ. “Ki paidbah emkaam wow man ki kiwa chynna jngai wow jied ya u næ ka khnang wa ym man i iwa sepai i jied yong ki,” da ong u Niman.
Chooh chooh da ong u wa emkaam wow jied da kiwa mihkhmat kiwa chemphang, kiwa ye sakhiat u yasaaid neibynta ki paidbah wei wow wanrah ya ka roi ka paar ya ka jaitbru wa ka ri hi waroh kawi.
Da kyrpaad u ya waroh kiwa chong chnong ka bri Ynñiawtrep uwi pa uwi wow man ki kiwa chynna jngai neibynta ki khon ki kti wa ka chnong ka thaw khnang wa hadien kani ka Election wow wan u yoh yei kylla ha ka rukom synchaar.
Heijooh i por da ong u wa emkaam wow bichaar bniah bha ki paidbah chwa wow jied ya kiwa mihkhmat khamtam ha kani ka por neibhah katni em chiboon kiwa mihkhmat ki wymhoi u kreh wa ki wym ye u yasaaid neibynta yong ki paidbah.
“Kamtæ phi ki paidbah toh u chemphang phi wow jied ya u namo ka bru kiwa ye sakhiat u kit ya ka lyngkor neibynta yong i waroh kamwa yooluti i waroh chi kattu neibhah wa phi man phi ka mynried yong ka jaitbru.” da ong u Niman.
Discussion about this post