Ka Deputy Commissioner, East Khasi Hills da pyntip ko wa ka Central Consumer Protection Authority (CCPA) da pynmih ko ya ki kyndon hapoh ka Section 18(2)(1) ka aiñ Consumer Protection Act, 2019 yow khanglaad yei chah chim kabu ki paidbah heiyatoh wow yada nei kheiñ ya ka Service Charge ha ki Hotel wa Restaurant.
Kini ki kyndon ka aiñ da khang ko ya waroh ki Hotel lane Restaurant wow kheiñlang ki waka Service Charge ha ka bai baam namo ka Food Bill.
Ya kani ka Service Charge ym ye kow kheiñ ya ka deiwa pynkylla yei pyrtuid da kamwi wei ym ye wow pynbor ya ki bru wow su ya kani ka Service Charge wei lada em kiwa su toh dei mon sñiawbha yong ki.
Ym ye wow khang yei wan i psiah ki bru lada ym bien ki wow su ya ka Service Charge.
Ya kani ka Service Charge ym ye wow kheiñ ka kam chibynta ka GST.
Hapoh ka Section 17 ka aiñ ye wow ujor pyrchah ya ki Hotel/Restaurant neibhah da man ko pyrchah yei hok ki bru wa wan baam wei ya ka ujor ye u phah dei email lane deiwa thoh cha ka Deputy Commissioner yow lai pynman ya ka takit katkam ka CCPA.
Katkam wa phah da u Chief Commissioner, Central Consumer Protection Authority (CCPA) ha ka 06-07-22 daw leh yeiwa emkaam ya kitu kiwa tyngkheiñ ya ki kyndon.
Ka DC da pyntip ko leh wa ya waroh ki kyndon da booh ha ka Website ka East Khasi Hills District.
