Ha kini ki sngi wa dadep da sakhi wa da sdang lang biang i jhep ha ki kattu katni ki bynta ka sor Jowai khamtam ha u sarok hadien ka Thomas Jones Synod College, Iawmusiang.
Hajrong i jhep wa man i kaam wa sahteiñ ha Jowai, hawa yaklam wa u Symbood Montri Rangbah ka jylla, u Sniawbhalang Dhar da ong u wa ka sorkar dang kreh ko yei kaam wow thied ya iwi i thaw.
Da kyrpaad u leh ya ki dorbar chnong wow krehlang ki deiwa pynrap wa boonsien ood ki paidbah wym yoh thaw noh-jhep tangwa manda jied ya i thaw da em bait kiwa pyrchah kiwa da mih.
Da ong u leh wa ka sorkar dei sñiawkhia kyrpaad ko ya waroh ha ka imlang sahlang wow krehlang waka sorkar khamtam waka chnat pynroi sor neibhah lada ong wym em thaw noh jhep, ka sorkar kammon u leh ko yeitæ wei toh u ya emlang i kitkhlieh.
Heiyatoh won waka Waste Disposal Plant kawa toh u chna ha Khliehriat, u Sniawbhalang da ong u wa manda yoh yei thaw daw ye u chna ya ka wei da ban u deiwa ong wa yei jhep u pynkylla cha ka spah namo ‘Waste to Wealth’.
Discussion about this post