Ki por wa krehkaam wa i pyndam ya ka Curfew ha Shillong ha ka 21 wa 22 tarik

Ka District Magistrate ka East Khasi Hills da pynmih hukum ko ynne ka sngi yow pynbna ya ki por wa da pyndam wa ki por wa pynkrehkaam ya ka Curfew ha sor Shillong wa ki thaw wa em ha kahpsor neibynta ka 21 tarik wa 22 tarik uni u bnai.

Ya ka Curfew daw pyndam nadooh 5:00 waje i step hadooh 6:00 waje i janmiet ka 21 tarik kamjooh leh ha ka 22 tarik.

Ka Curfew u krehkaam biang ko nadooh 6:00 waje i janmiet ka 21 tarik hadooh 5:00 waje i step ka 22 tarik. U krehkaam biang ko nadooh 6:00 waje i janmeit ka 22 tarik hadooh 5:00 waje i step ka 23 tarik uni u bnai hadooh wa pynmih hukum da kamwi.

Ha ki por wa pyndam ya ka Curfew neibynt ka 21 tarik donhi. Ki dukan marbaam wa kiwi ki jait dukan u wai ki hadooh 5:00 waje i janmiet katkam ka hukum wa da pynmih ha ka 17 tarik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki Bank, ki Post Office wa kiwi ki yung krehkaam u wai ki deiwa em 30% ki bru wakreh wei u khang ki 4:00 waje i janmiet thij.

Ym pu chah yei lai i uiñ hapoh ka District kamjooh cha kiwi ki District lait na kiwa yoh Pass. Ki kari kamai u lai ki katkam ka hukum kawa pynmih ha ka 17 tarik uni u bnai.

Ym pu chah leh wow pynman ya kiwon kiwon ki jait yalang paidbah wa ki lai paidbah.

Kiwi ki kaam wa chah toh katkam ka hukum wa pynmih da ka Home (Political) Department kawa da pynmih ha ka 13-08-21.

Heipor wa krehkaam ka Curfew ym chah yei lai i wan ki bru kamjooh ki kari. Ki dukan, ki yung krehkaam wa ki thaw puræ toh u man ki kiwa khang. Ym chah leh wow pynman ya kiwon kiwon ki yalang paidbah.

Waroh ki dukan, ki yung krehkaam, ki Bank, ki Post Office, ki thaw puræ wa ki yung krehkaam ki bru samen u man ki kiwa khang haka 22 tarik kawa haap ha ka sngi Bibar. Ym chah leh wow mih ki kari kamai. Katwa ki yungmane won da chah wow wai ki katkam ki kyndon wa da pynmih ha ka 13 tarik uni u bnai. Ym chah leh wow lai na kawi ka District cha kawi khlem em ki Pass. Waroh ki lai ki wan wa ym emkaam toh u yait.

Ki kaam wa chah heipor wa em ka Curfew toh du ki kaam wa yatoh wa i chait i khiah, ki kaam wa yatoh wa u COVID-19, ki wakreh ka DIPR, ka Municipal, MeECL, ki laad pathai khubor wa ki Pharmacy.