Ki prokram wow kynmoo warom ya ka sngi yap u Woh Kiang Nangbah wa daw pynman ka KKC

Jowai : Ka Seiñ Khynroo Khyllood Committee Ka Seiñraij Jowai (KKC) da pyntip ko wa daw pynman ko ki yalehke waphær waphær kam chi bynta wow kynmoo warom ya ka sngi yap u Woh Kiang Nangbah, kini hawah toh ki program:

1. Pynkhooid ya u Loom Mooliksoo – i thaw wa em u mot sahnaam yong u Woh Kiang Nangbah ha ka 24.12.2016 nadooh 10 waje i step.
2. U em ka Recitation kawa yatoh wei pyrtuid, i naam wa ki kaam wa chlur u Woh Kiang Nangbah ha ka 24.12.2016 heipor 6.30 i janmiet deilang wei rwai ya ki Sur maya Ri.
3. U pynman ya ka pynyoo nia hajrong ka phang : “Ka Ri wa ka Jaitbru bood la-te ko thij næ ya ki Nongrim U Woh Kiang Nangbah”  ha Yung Dorbar ka Seinraij.
4. Siatkhnam Pyllah ha ka 27.12.2016 ha Madiah Kmai Blai
5. Rah Mookhrah ha ka 28.12.2016 ha Madan Dulong
6. Slow racing bike wa bicycle ha ka 29.12.16 ha Madiah Kmai Blai

Lada em kiwa kwah u e yumut hajrong kini ki bynta hajrong sñiawbha ya pachat won.

Also Read: Pyndep ka KKC ya ka kynmoo warom sngi yap u Woh Kiang Nangbah ynne ka sngi

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024