Ki pulit Assam da chna ki dei yung wa pura hadien wa jia ha Mukroh katwa ka Meghalaya dang dei yung Tin

Ka Jaiñtia Students’ Union (JSU) ynne da lai pynsñiaw ko ya ki phang wa emkaam hakhmat ka Director General of Police (DGP), ka Idashisha Nongrang, khamtam yow pynbha chooh chooh ya ki chnat wa i krehkaam ki pulit ka jylla.

U Jersom Shylla uwa man u President ka JSU da dawa u na ka DGP wow pynkhlan ya ki Outpost ha ki thaw khappood khamtam ha Mukroh wei da ong u wa hadien wa mih i jia wa sñiawsih iwa da chim yei mynsien ki 5 ngut kiwa chong chnong ka Mukroh ha u Khonchonglad (Nov) 2022, neiliang ki pulit Assam da chna syndon ki da i yung wa paka yow chong ki pulit, katwa ki pulit ka Meghalaya won da sah ki ha ki yung wa sap da ki Tin donhi wei ym em leh tang i paikhana.

Da khana chooh chooh wa ka seiñ da yaklam ko leh wa ka DGP neibynta wow pynkhlan ya ki bru ka Anti-Narcotics Task Force (ANTF), wei wow kynreh khyndang ya ki thaw dih drugs neibhah ini da pynsih ko ya ki khynroo khyllood yong i.

Related posts

Chaad kmen ki Garo hawa pynbna u Marcuise Marak wa emkaam ST Certificate hawa yakhun ya ka Election MDC

March 23, 2026

Poor i dur wa chna thok wa daw pynmih ya ka Result SSLC ha ka 6 tarik

March 23, 2026

Chooh chooh ka JSU da kyntu ko ya ka DGP wow kdoh u khoom yei khrong poisa pyrchah aiñ iwa da ktah ya ki paidbah ka jylla.

Ha iwi won i liang,  u Jersom Shylla da ong u wa ka seiñ da dawa ko na ka DGP wow pynboon ya ki thaw pynpsiah kaam pulit ya ki khynroo kiwa na Jaiñtia Hills, wei da khana u wa ka DGP da pyntip ko wa ka Jaiñtia Hills daw yoh ko ya ka Recruitment Centre ha kani ka kynti.