Ka seiñ JSU ha ka wyrta khubor da ong ko wa da phylla ko hajrong i chah siat yap u Cherishsterfield Thangkhiew wei ka seiñ ymye ko wow pdiang ya i rukom lehbor ki pulit wow siat yap ya oo ynne i step ha yung wa sah u heithaw wow kem wei wow rah ya oo wow pynman ya i takit hajrong i suba yong ki.
Ka seiñ da beiñ joor ko leh ya ki pulit ka jylla yeiwa leh ki neibhah wa da man i pyrchah ya i hok manbru heiwa da chim syndet ya i mynsien bru du chilæm donhi hapyrdi wa dang thiah u wa ki khon.
Chooh chooh ka seiñ da ong ko wa ki pulit ymtoh u thombor ko deiwa pynemkaam da ki suloi tangwa toh u rah chwa ya oo wow takit neibhah i pynemkaam da ki tiar ymye i wow wanrah ya i suk i saiñ hapoh ka imlang sahlang wei i siat ya oo haphrang ki khon ki kti daw ktah sakhiat i ya ka yung ka sem waroh kawi.
Ka seiñ da phah ko leh ya ka khubor wyrai cha ka yung ka sem u Cherishsterfield Thangkhiew wa u Blai wow emlang ryngkat wa ki ha kam kini ki por.
