Da Dorbar Chnong Mynthong da pynbna paidbah ko ya ki kyndon neibynta i bha i miat wa i chongsuk chongsaaiñ kiwa yatoh wa kani ka Election MDC 2025 kiwa man kamni:
U chah u pynman yalang Canvas Election du hapoh ka Community Hall yong ka Dorbar Chnong Mynthong donhi. Ym chah u pynman Election Meeting ha kiwi tawon ki thaw Paidbah/Madan/Hall hapoh u pood u ang ka chnong Mynthong.
Ki Candidate lane ka Party hap yoh bor (Permission) chwa ki na ki bor District chwa u pynman yalang yalap Election.
Ya ka Meeting u pynlai da u waheh chnong ka Dorbar Chnong Mynthong. Lada jia wym lait u waheh chnong daw e kti ha uwi na ki Office Bearer, DSM.
Ha ka sngi pynman Meeting u chah du 5 tylli ki kari wow psiah chapoh ka chnong wa kynthup ya ka kari wa chong u Candidate.
U chah du 10 ngut donhi ki wow wan Canvas Election na baar chnong, itæ u Candidate wa 9 ngut ki wow synraan ya oo.
U chah du 5 ngut don hi wow klam, itae u Candidate wa 4 ngut kiwi tawan.
Ym chah ya kiwa na baar chnong wow wan cha ka Election Meeting. Du kiwa thap Vote (Voters) yong ka Mynthong Polling Station donhi wow ye u wan cha ka Election Meeting.
Ka Dorbar Chnong Mynthong da kyrpaad wei yooluti ko yei yakrehlang yong waroh ki Candidate neibynta i bha i miat, i suk i saaiñ wa i khooid i jngiar hapoh ka chnong ka thaw.
Discussion about this post