Ka wat wa ar namo ka Second Phase ka yaklam pynbait pood hapyrdi ka Assam wa Meghalaya da lai bait ko, da pyntip da u MLA ka Nongpoh uwa man leh u dkhot ka Ri-Bhoi District Regional Committee, u Mayralborn Syiem deiwa ong leh wa iwa leh ka sorkar toh neibynta ki paidbah wa boon.
Da pyntip u wa waroh iwa leh kani ka Regional Committee hapoh i yahkhmat u Symbood Montri Rangbah, u Prestone Tynsong kam u Chairman toh deiwa lai chakhmat wow myntoi ki paidbah.
Heijooh i por da ong u wa kat wym pu yoh u hiar wow lai pait, lai sylli ya kini ki thaw deilang wa ki Regional Committee na Assam ym pu ye wow ong iyi iyi leh tangwa u pyntikna wa iwa da leh toh u man ko neibynta ki paidbah.
Chooh chooh da pyntip u wa ha ka 25 tarik u Naisaphra ki Regional Committee ki ar jylla daw chong yaklam biang ki wei ha ka sngi wa bood daw lai hiar lang ki cha ka thaaiñ Desh Domrea.
Da pyntip u leh wa ka ha kani ka Second Phase ki thaw wow ya pynbait u kynthup ki ya ka Desh Domrea, Block- II, Borduar wa Nongwah Mawtammur wei ka Regional Committee ka Ri Bhoi daw sdang ko yei yaklam na Desh Domrea wei daw pynbood cha Nongwan Mawtammur dep neitæ ya ka Borduar.
Discussion about this post