Jowai : Ka yakhun football Second Division kawa da pynman da ka Jaintia District Sports Association ha madan Kiang Nangbah Stadium, Jowai ynne ka sngi ha pyrdi ka West Madan Mustem SC wa ka Mynthong SC, ka Mustem da jop ko da ar kool la ka wi. Ya ki kool ka Mustem da thap u Khlurki Shylla ha ka minit wa 35+2 wa ha ka minit wa 60. Katwa ya ka kool yong ka Mynthong SC da thap da u Abbaitmi Langstang ha ka minit wa 19.
Da ini i jop ka West Madan Mustem SC ynne ka sngi da yoh ko u psiah cha ka Quarterfinal.
Katwa ha ka yakhun Super Division won ka Khimusniang SC da jop ko ya ka Loomkyrwaing SC da soo kool la nood. Ya ki kool ka Khimusniang da thap da u Marardameki Patwet ha ka minit wa 13 wa ka 60, u Tremiki Dkhar ha ka minit wa 26 wa u Yoohimiootre Patwet ha ka minit wa 69.
Ynnin ka sngi ha ka 2nd Division ka Loomchyrmang Minmyntdu da jop ko ya ka Nangbah Sports Association SC da soo kool la ka wi. Ya ki kool ka Loomchyrmang da thap da u Wanoo Chyrmang ha ka minit wa 14 katwa u Koren Chyrmang da yoh u ya ka Hat trick deiwa thap ya ki le tylli ki kool ha ka minit wa 28,50 wa 66. Ya ka kool ka Nangbah da thap da u G.G. Thubru ha ka minit wa 44.
Ha ka Super Division ka yalehke ha pyrdi ka Dulong SC pyrchah ya ka Moosyeim Changpung da kut ko nod la nod.
Discussion about this post