Jowai : Ha ka yakop 2nd Division ynne ka sngi ka yakhun ha pyrdi ka ka Loom Chyrmang SC pyrchah ïa ka Nangbah Pohchnong SC man ko kawa yoosuk bha. Ka Loom Chyrmang da yoh ko u thap chwa ia ka kool wa nyngkong ha ka minit wa 11 pynbood won ko sa kawi ha ka minit wa 15. Waroh artylli ki kool da thap da u Koren Chyrmang.
Ka Nangbah Pohchnong da ye ko u su kylliang le tylli ki kool hapoh 5 minit kitæ toh ha ka minit 28, 30 wa ka 32 waroh letylli da thap da u Borki Biam kawa pynkut ïa kylla step da 3 kool ia ka Nangbah wei ar kool ia ka Chyrmang.
Ha ka kylla miet ka Loom Chyrmang da ye biang ko u pyntam ïa ka Nangbah Pohchnong sa soo tylli ki kool kiwa thap da u Tellme Phawa arsien, u Raplang Chyrmang chisien wa u Pdiang Chyrmang. Ka Nangbah Pohchnong won da ye ko su kylliang sa ka wi don hi ka kool da ka wa thap u Phalmi Biam ha ka minit wa 63. Kamtæ da kut ka yakhun deiwa jop ka Loom Chyrmang da 6 kool la 4.
Ha ka Super Division da yachem ka Loomkyrwiang SC ïa ka Sabah Muswang SC. Ka Sabah Muswang da ye ko u pynrem ïa ka Loomkyrwiang da 3 kool la 2. Ïa ki kol ka Sabah da thap da u Heipormi Shylla ha ka minit wa 7, u Masan War ha ka minit wa 38 wa u Damechwa Dkhar ha ka minit wa 45+2.
Ïa ki kool ïong ka Loomkyrwiang da thap da u Ohipaia Laloo ha ka minit wa 5 wa u Belonia Lywait ha ka minit wa 47.
Discussion about this post