Ki result ka 1st Evening Super 4 Football Tournament ha ka 31 tarik

Jowai : Ka 1^st Evening Super 4 Football Tournament 2016 da ptein biang ya ka ynnin ka 31 tarik hadien wa pyndam ya ka ar sngi na ki daw wym ye u kiar.

Ynnin da pynman ar tylli ki yalehke ha pyrdi ka Anthrax FC Vs. Show Time pynbood sa ka C.K. United FC wa ka C.R. Lighting.

Ha ka yalehke wa nyngkong ka Anthrax da jop suk ko ya ka Show Time da 7-1.

Ya ki kool ka Anthrax da thap da u Chelsea Dony Langshiang ha ka minit wa 15 wa 25, u Sanki Pyrtuh ha ka minit wa 17 wa 43, u Meban Khonglah ha ka minit wa 30, u Sam Rane ha ka minit wa 40 wa u Vashni Nongtdu ha ka  minit wa 51.

Related posts

Rah ka Kemidon FC ya ka Pdengshakap Football Knock-out Tournament 2025-26 deilang ka song poisa wa Rs. 3.50 lak

April 5, 2026

Ka Meghalaya State League ha uni u snem u man ko kawa heh dooh

April 5, 2026

Ya ka kool ka Show Time da thap da u James Tongper ha ka minit wa 56.

Ha ka yalehke wa bood ka C.K. United da jop da 5-1 ya ka C.R. Lighting.

Ya ki kool ka C.K. da thap da u Cham Iakai ha ka minit wa 3 wa 15, u Meker Pyrtuh ha ka minit wa 29 wa 32, wa u Batha Iakai ha ka minit wa 30.

Ya ka kool ka C.R. da thap da u Tommy Suchiang ha ka minit wa 45.