Ki result ka 3rd Republic Day Cup Under-12 ynne ka 12 tarik

Jowai : Ynne ka sngi ka 3^rd Republic Day Cup Under-12 Football Tournament dang ptein ya ka wei da pynman 4 tylli ki yalehke.

Ha ka yalehke ha pyrdi ka Panaliar wa ka Luti Tuber Ialong da kut ko mar chi kool. Ya ka kool ka Luti Tuber Ialong da thap da u Daboy Mulieh ha ka minit wa 16 katwa ya ka Panaliar da thap da u Markynsai Shylla ha ka minit wa 26.

Ha pyrdi ka Nangbah Pohchnong wa ka Umshangiar, ka Nangbah da jop ko 3-0. Ya ki kool da thap da u Wailad Shylla ha ka mint wa 6 wa u Iaishahki Phawa ha ka minit wa 50 wa 53.

Ka Mulang Ialong won da jop suk ko ya ka Sabah Muawang da 6-0. U Samely Mulieh da thap u le kool ha ka minit wa 20,25 wa 46 kamjooh u Charelangmi I Shylla ha ka minit wa 21,48 wa 51.

Related posts

District Cricket League: Jop ka PCC Phramer ya ka Chutwakhu SC

February 27, 2026

Da pynkut ya ka Inter-Office Sports Tournament 2026

February 27, 2026

Ka Dongmihsngi won da pynrem ko ya ka  Khimusniang da 4-1. Ya ki kool ka Dongmihsngi da thap da u Aiborlang Nongrum ha ka minit wa 10 wa 46 min, u Samhaoo Ksoo ha ka mint wa 57 wa u Ebormi Syngkon ha ka mint wa 59. Ya ka kool ka Khimusniang won da thap da u Andreya Rapthap ha ka mint wa 17.