Ki Result ka Republic Day Cup ka WJDSA

Jowai: Ka 7^th Republic Day Cup Under-12 Football Tournament 2020 kawa pynman ha Kiang Nangbah Stadium, Jowai daka West Jaiñtia District Sports Association (WJDSA) da pteiñ yaka ynne ka sngi da 6 tylli ki yalehke.

Kiwa jop ynne ka sngi man ki kamni ha wah:

Ka yalehke wa nyngkong hapyrdi ka 7 Wasa United pyrchah waka Loompyrdi Iongpiah da kut ko khlem em wa yoh u thap kool.

Haka yalehke wa bood, ka Khimusniang da jop ko yaka Mookymphad da 1-0 lyngba ka kool wa thap u Bryan Lytan haka minit wa 29.

Ka FAM da jop ko yaka Sohmynting da 1-0 kawa thap u Stevenson Phawa haka minit wa 48.

Related posts

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

Cha jied 2 ngut ki khynnah ka Jowai Grassroot Football Coaching ha ka Assam Warrior Football Academy yow yoh yei chah sikai wa dei mynkna

January 7, 2026

Ka yalehke hapyrdi ka Dulong waka Mulang Ialong da kut ko da 2-2, heiwa yaka Dulong da thap kool da u Yoowanmi Biam haka minit wa 5 wa 37, katwa yaka Mulang da thap da u Freddy Pohleng haka minit wa 15 wa u Chrainmitre Pale haka minit wa 45.

Ka Demthring da jop ko yaka Mynthong da 10-0 da ki kool wa thap u Roddy Pyrtuh haka minit wa 5, u Givenson Suting haka minit wa 8,20,35,41, 50, u Nethadeus Langshiang haka minit wa 12,27, 32 wa u Da-e Blah haka minit wa 29.

Haka yalehke wa khadooh hapyrdi ka Chilliangraj pyrchah yaka Luti Tuber Ialong da kut ko khlem em wa thap kool.