Ki result ka Subroto Cup U-14 ynne ka sngi

Jowai : Ynne ka sngi ka Subroto Cup wada pynman ha Kiang Nangbah Stadium, Jowai da pynkut ya ka bhah wa nyngkong yong ka U-14 Boys, kamwa man hi ha kini ki sngi wa da dep da em san tylli ki yalehke.

Ha ka yakhun wa nyngkong hapyrdi ka Mihmyntdu Secondary School pyrchah ya ka Ri War Jaiñtia Church Of God, Ladjaplem ka Mihmyntdu da jop ko da ka chi kool lyngba u Chibor Phawa ha ka minit wa 55.

Ha ka yalehke wa ar ka Padu Secondary School da yaleh pyrchah ko ya ka RMSA Changpung heiwa ka Padu da jop ko da chi kool lyngba u Golden Khonglah ha ka minit wa 9.

Ka yalehke wa le won ka St. Paul English Secondary School da yachem ko wa ka Little Folwer English Secondary School heiwa ka St. Paul da jop ko da chi kool lyngba u Vivian Dkhar ha ka minit wa 4.

Related posts

1st 7-A-Side Football Men’s Seiñraij Niamtre Cup: Jop ka Niamtre Paka FC waka Seiñraij Ialong

February 8, 2026

Ha ka 9 tarik u yakhun Final ka Kur Suchen United ha ka Assam MLA Cup

February 8, 2026

Ha ka yalehke wa soo ka Mowtyrchiah Secondary School da yachem ko wa ka Police Secondary School heiwa ka Mowtyrchiah da jop ko 3-0. Ya ka kool wa nyngkong da thap pyn da u wa yaleh (own goal) ka Police Public School u Yeimonki Lyngdoh ha ka minit wa 20, katwa ki ar tylli ki kool da thap da u Rikideibormi Dkhar hala minit 45 wa na u Nangseibor Shadap ha ka minit wa 57.

Ha ka yalehke wa khaddooh ka Jaiñtia Secondary School, Jowai da yachem ko wa ka St. Dominic HS School Mowkyndeng heiwa ka Jaiñtia SS da jop ko da chi kool lyngba u Solangi Pala ha ka minit wa 6.