Jowai : Ka yalehke 2nd Round ka 1st Evening Super 4 Football Tournament 2016 wa pynman da ka Sports and Youth Affairs Committee, Chutwakhu Social Welfare Local Dorbar, Jowai dang lai ko cha khmat ha kani ka 11 wa 12 tarik.
Ya ki yalehke da pynman man ka miet heipor 7 waje ha madan Basketball wa em ha rood ka madan Jrisaleiñ, Chutwakhu.
Ha ka 11 tarik ka J United FC da yaleh pyrchah ko ya ka Jio Team.
Ka Jio da rem ko da 3-1. Ya ki kool ka J United da thap da u Juhhi Langshiang ha ka minit wa 23 wa 60 wa u Damewothi Dkhar ha ka minit wa 44. Ya ka kool ka Jio da thap da u Samsauru Passah ha ka minit wa 9.
Ha ka 12 tarik ka Anthrax FC da yachem ko wa ka C K United heiwa ka C K da jop ko da 4-1.
Ya ki kool ka C K United da thap da u Dathrang Iakai ha ka minit wa 3, u Ford Challam ha ka minit wa 19 wa u Chanki Iakai ha ka minit wa 45 wa 56. Neiliang ka Anthrax da thap u Rikai Pyrtuh ha ka minit wa 54.
Discussion about this post